jueves, 27 de diciembre de 2012

Licenzas e dereitos de autor

Imaxe do wiki licenzas
Imaxe capturada do wiki//CC BY-NC-SA
Enlazo o ligamen do wiki Creación, reutilización e difusión de contidos que comecei desenvolvendo nun curso do INTEF e no que estou traballando co fin de recopilar información especialmente sobre licenzas e dereitos de autor. Coa finalidade de aclarar estes aspectos á hora de elaborar, de utilizar, reutilizar e difundir contidos engado exemplos (son simples suxerencias) de cómo citar imaxes, textos, vídeos e presentacións. Tamén se citan webs onde podemos descargar imaxes, audios, vídeos, presentacións, etc. de uso libre. Convén mirar sempre os dereitos desa imaxe ou outro recurso en particular para cerciorarnos do seu tipo de licenza e reutilización. No caso de dúbida pedir autorización ao seu autor e sempre citar fonte.
Nunha nova páxina teño a idea de elaborar algunhas normas de estilo e no que comezarei cando teña un tempo libre para isto. 
Anímovos a que colaboredes neste wiki e tamén a que compartades o voso traballo.
Texto propio e imaxe capturada do  wiki  Creación, reutilización e difusión de contidos//CC BY-NC-SA

sábado, 22 de diciembre de 2012

Bo Nadal

Imaxe propia editada con Gimp // CC BY-NC-SA

lunes, 5 de noviembre de 2012

Curso: Lingua 2.0. Ensinar en rede

Outra das actividades que temos previsto desenvolver ao longo do primeiro trimestre do ano 2013 no CFR de Lugo  dende a asesoría Lingüístico e social é o curso: L1201017 - Lingua 2.0. Ensinar en rede.
Cartel curso Lingua 2.0. Ensinar en rede
Cartel elaborado con imaxes propias//CC BY-NC-SA



Estes son os obxectivos e contidos que abordaremos e tentaremos  acadar.
Obxectivos
1.Coñecer as posibilidades que ofrece a web 2.0. no ensino da lingua e literatura.
2.Amosar os recursos que presenta a rede como plataforma de xestión dunha aula de lingua.
3.Deseñar propostas e actividades de aula utilizando algunha das ferramentas presentadas.
Contidos
1. As redes sociais como plataformas de traballo colaborativo online.
2. A xestión dunha aula a través dunha comunidade de aprendizaxe en liña: experiencias educativas con moodle.
3. A lectura e a escritura en rede.
4. 4. Posibilidades educativas das ferramentas da web 2.0. : blogs, wikis, podcast, presentacións en liña, marcadores sociais...
5. 5. Plataformas ou contorno para a creación de materiais educativos: Edilim, Ardora, Jclic... 
A duración é de 30 h e se algunha persoa está interesada aínda está dentro do prazo para facer a inscrición ata o 14 de decembro de 2012.

domingo, 4 de noviembre de 2012

Curso: Didáctica do patrimonio e traballo por proxectos

Cartel do curso Didáctica do patrimonio e traballo por proxectos

Cartel  elaborado con imaxes propias, mans de: http://mrg.bz/PNHw50//licenza  libre Morguefile//CC BY-NC-SA


Didáctica do patrimonio e traballo por proxectos é unha nova actividade mixta que se vai desenvolver ao longo do primeiro trimestre do ano 2013 dentro das actividades programadas dende a área Lingüística e social do CFR de Lugo.
 Esta nova actividade de formación computa 50 horas de formación e 30 serán presenciais e as 20 restantes non presenciais ( en rede titorizadas por unha persoa experta na didáctica por proxectos) onde se elaborará, aplicará e avaliará un pequeno proxecto de forma colaborativa.
As sesións presenciais abordarán contidos como o traballo por proxectos,  o patrimonio cultural, paisaxístico, artístico e natural da nosa contorna. Tamén teremos en conta as contornas de aprendizaxe colaborativa e recursos multimedia como o uso das tecnoloxías móbiles e dixitais.
Dentro dos criterios de selección en primeiro lugar daráselle preferencia ao profesorado do ámbito lingüístico e social e ao profesorado dun mesmo centro.
Aínda estades a tempo de facer a inscrición.

viernes, 26 de octubre de 2012

OUFF 17 Festival de Cine Internacional de Ourense

Imaxe lo logo do OUFF 17 Festival de cine  Internacional de Ourense
Imaxe do logo vía: http://www.ouff.org/web/images/stories/Contidos2011/OFestival/OUffEscola/17OUFF_ouffescola.jpg
Ata o 3 de novembro ás 23: 59 h podedes votar no OUFF 17 Festival de Cine Internacional de Ourense.
Nesta ocasión preséntanse 46 obras de ensino non universitario de secundaria e 11 de infantil e primaria
Xa que ameaza a choiva, nesta fin de semana podemos aproveitar para pasar un bo rato vendo estos bos traballos e así prepararnos para votar.
Parabéns a todos e que gane o mellor.

viernes, 5 de octubre de 2012

Curso: Lectoescritura na era dixital

Cartel elaborado con fotografía propia, imaxe do ordenador co neno procedente de Picasa (http://xurl.es/4f0c2 // CC BY-NC-ND 3.0 de Mónica Tejedor Arjona) e logo da web do CFR de Lugo
 Seguindo coas actividades formativas  os días 9, 10, 13, 20 e 26 de novembro e 3, 10 e 13 de decembro desenvolverase no CFR de Lugo a actividade Lectoescritura na era dixital que contará co seguinte profesorado relator:
  • LAURA BORRAS CASTANYER:  Universidade de Barcelona, doutora en Filoloxía Románica, licenciada en Filoloxía Catalana, investigadora e experta en publicacións e comunicacións
    •  As metamorfoses da lectura en dixital. Evolucións e revolucións
  • NOA PIÑEIRO LÓPEZ: licenciada en Filoloxía Hispánica, experta en TIC, técnica E-Learning, formadora freelance
    •  A creación multimedia na aula
  • MARÍA YÁÑEZ ANLLO: xornalista, editora, guionista, investigadora e productora de contidos dixitais, compoñente do prox ecto le.es
    •  Xeración transmedia. Experiencias na multipantalla
  • ALBERTO GARCÍA PÉREZ: profesor de Lengua e Literatura no IES Candás, autor do blog La bitácora de la lengua, finalista premio Espiral Edublogs 2012, gañador edición 2012, selo Boas Prácticas do MEC
    •  Experiencias lectoras na era dixital. Taller de escritura con Photopeach e Storybird
  • MARÍA TERESA VILARIÑO PICOS: doutora en Teoría da Literatura e Literatura Comparada na USC, experta en ciberliteratura e cultura dixital, investigadora, experta en publicacións e comunicacións, proxecto le.es 
    • Educación literaria en rede

Curso: As novas tecnoloxías como recurso para o profesorado de apoio

Cartel elaborado con fotografía propia, ordenador procedente do banco de imaxes do INTEF (de Félix vallés Calvo // CC BY-NC-SA 3.0), pictograma procedente de Picasa da Galería de pictogramas autismo e logo da web do CFR de Lugo, Accegal, ARASAAC e Comunicador Personal Adaptable

 O 17 de outubro comeza no CFR de Lugo a actividade As novas tecnoloxías como recurso para o profesorado de apoio que se desenvolverá ao longo de 10 sesións en horario de 18:00 h a 21:00 h.

Contaremos co seguinte profesorado relator que abordará unha interesante temática:

  • NOA PIÑEIRO LÓPEZ: licenciada en Filoloxía Hispánica, experta en TIC, técnica E-Learning, formadora freelance 
    • Boas prácticas na rede
  • FELICIANO JOSÉ COUTO ESCANCIANO: mestre de PT e licenciado en Psicopedagoxía, membro de TADEGA, CEEPR Nosa Señora de Lourdes (A Coruña)
    • Uso didáctico de Lim
  • RUBÉN VELASCO FERNÁNDEZ: mestre de PT , diplomado en educación Especial, CEE San Crirtóbal (Avilés)
    • Comunicador Persoal Adaptable
  • JUAN JOSÉ FERNÁNDEZ GARCÍA: mestre de ducación  primaria, presidente de TADEGA, Ceip Sal Lence (A Coruña)
    • Ferramentas dixitais para a atención á diversidade
  • FÁTIMA MARÍA GARCÍA DOVAL: mestra de AL, PT e FI, licenciad aen Filosofía e Ciencias da Educación, directora de Accegal, CEE Manuel López Navalón (Santiago de Compostela)
    • Proxecto ACCEGAL. Comunicadores para dispositivos Android
  • TAMARA PEREIRA VIGIDE: mestra de AL, licenciada en Psicopedagoxía, Ceip a doblada (Vigo)
    • Recursos e ferramentas para traballar problemas de fala
  • ARCADIO RODRÍGUEZ VÁZQUEZ: mestre de educación primaria e licenciado en Psicoloxía e filosofía, capacitación AL logopedia e EE, Ceip Seis do Nadal (Vigo)
    • Aplicación didáctica do EDI para o profesorado de AL e PT
  • DAVID ROMERO CORRAL: diplomado en Educaicón Especial e licenciado en Psicopedagoxía, asesor NNTT no Centro aragonés de Tecnoloxías para a Educación - CATEDU- (Teruel)
    • ARASAAC. Sistemas pictográficos para a Comunicación Aumentativa
  • JOSÉ MANUEL MARCOS RODRIGO: diplomado en Educación Especial, diplomatura postgrao en Perturbacións da audición e Linguaxe (Logopedia) , CPEE Alborada (Zaragoza)
    • ARASAAC. Sistemas pictográficos para a Comunicación Aumentativa 

lunes, 1 de octubre de 2012

Curso: O cine e o ensino da Historia

Creative Commons Attribution-NonCommercial-ShareAlike 3.0 Unported (CC BY-NC-SA 3. 0)
Cartel elaborado con fotografía propia, imaxes procedentes do banco de imaxes do INTEF (director de Alberto Arribas Merino, espiral de revelado de Javier Trabadela Robles , sala de cine de Miguel Martinez Monasterio e logo da web do CFR de Lugo

O 29 de outubro comeza esta actividade e que se prolongará ata o 29 de novembro.
As expectativas son boas e agardando o comezo sinalo o profesorado relator e contidos en xeral:

  • ENRIQUE Martínez-Salanova Sánchez:  (Almería), pedagógo, antropólogo, tecnólogo da educación, escritor, educomunicador e debuxante, autor entre outras cousas da web Cine y educación
    •  Cine e educación social. Unha didáctica para a educación integral a través do cine
  • Alba Ambròs Pallarès: (Universidade de Barcelona), mestra, filóloga, doutora en ciencias da Educación, especialista na didáctica do cine e na formación do profesorado, investigadora e autora de numerosas publicacións, coautora  con Ramón Breu entre outros libros de Cine y educación. Ed. Graó, leer.es...
    • Historia, cine e competencias básicas. Un encadre perfecto
    • Análise, valoración e deseño de propostas didácticas competenciais sobre cine e historia
  • Manuel  González Álvarez: profesor no IES concepción Arenal de Ferrol, autor da canle Cliphistoria
    • Cliphistoria. Recursos audiovisuais para o ensino da Historia
  • Felipe Rodríguez Cortés: orientador no IES Concha Méndez Cuesta de Torremolinos (Málaga),  fundador e membro activo da Tribu 2.0
    • Tribu 2.0. Unha viaxe á emoción 2.0 
  • Sabela Figueira Tenreiro e Rubén Pol Valiño: docentes no IES Fermín Bouza Brey de Vilagarcía e no CPI Doutor Daniel  Monje de Navia de Suarna
    • Aprender creando. Os recursos audiovisuais aplicados ao ámbito educativo no IES Plurilingüe Fontem Albei 
    • Aproximación á creación audiovisual. Obradoiro de iniciación
  • Miguel Ángel Carbajal Porto: profesor no IES Manuel García Barros de A Estrada
    •  Taller de creación artística do MGB
    •  Iniciación nas técnicas de stop motion para a elaboración dunha curtametraxe 
  • Paula Rábade Otero: licenciada en Publicidade e RR.PP (Universidade de Valladolid), Técnica en Imaxe Dixital, Técnica Superior en Realización e Dirección de Espectáculos e Audiovisuais, experta nas TIC
    • Taller de edición de vídeo

viernes, 31 de agosto de 2012

Danzas ancestrais na Cervela (O Incio)

Os días 26 e 27 de agosto no pobo da Cervela ( O Incio) celebraronse as festas na que catro mozos da zona bailan diante da igrexa unhas antigas danzas ao son da música dos gaiteiros e ataviados con vistosos traxes no honor de Santa Lucía.
Na seguinte presentación podedes ver algunhas das imaxes que saquei o luns.

jueves, 30 de agosto de 2012

Teatros fabuloníricos de Noa Persán


Imaxe cartaz da exposición Teatros fabuloníricos, Noa Persán

Acceso ao vídeo panorámico
Ata o 16 de setembro podemos ver esta exposición de Noa Persán na sala de exposicións do Pazo de San Marcos (Sede da Deputación de Lugo).
Grazas ao traballo de Suso Barral feito para a rede Museística da Deputación de Lugo, a través deste vídeo panorámico de 360º, podes achegarte a esta exposición dende o lugar onde te atopes.
Vía  Comunicación e Xestión Cultural da Rede Museística

miércoles, 1 de agosto de 2012

De Valdoviño a Pantín

Coa idea de percorrer as fermosas zonas que temos en Galicia e así aproveitar para facer algo de exercicio, onte fixen unha ruta dende a praia de A Frouxeira en Valdoviño ata a praia de A Roda en Pantín.
Aínda que nos avisaran de que  non se pasaría emprendemos a ruta. Bordeamos a zona costeira adentrándonos na medida do posible xa que os toxos invaden ás veces o pequeno sendeiro ao comezar o percorrido. Salvando obstáculos chegamos ao pobo de Pantín e logo baixamos a praia de A Roda para voltar pola estrada que bordea a costa.
As vistas e os recunchos son fermosos e tamén os acantilados son impresionantes. O paseo foi agradable e nos vindeiros días seguiremos bordeando as nosas costas. Agora deixo algunhas das imaxes que saquei.

Anoitecer en Valdoviño

Hoxe, comezando as vacacións e despois dunha fermosa ruta bordeando o mar dende Valdoviño ata Pantín, na praia de Valdoviño disfrutei desta panorámica ao anoitecer.

viernes, 13 de julio de 2012

O Museo Virtual da Cultura Castrexa

Imaxe da web do Museo Virtual da Cultura Castrexa
MUVICC
O Museo Virtual da Cultura Castrexa permítenos visitar os castros de Viladonga, Taramundi, Chao de Sanmartín, Castrolandín e Santa Trega de forma virtual  coas visitas aos castros e museos mediante unha a información de expertos con imaxes, opinións e cunha audioguía onde nos explican a vida dos habitantes destes poboados.
A este paseo virtual engádese información relacionada coa vida e cultura castrexa e tamén temos acceso ao catálogo en 3D de obxectos atopados coa imaxe e información detallada de cada peza.
Imaxe dunha  escea dunha casa moderna no castro de Viladonga
Ideal para pasar un bo rato nestes días anubrados.

miércoles, 11 de julio de 2012

A cidade na arte

Imaxe da cabeceira do blog  La ciudad en  el Arte
Cabeceira do blog
Grazas a Diego Sobrino que acaba de enviarme un e-mail recibido de Josué Llull onde solicita a difusión entre todos os membros de CLIO EN RED e agora difúndoo entre todo o profesorado lector deste blog o traballo chamado "La Ciudad en el Arte."  Este proxecto é desenvolvido polo alumnado e o profesorado de Maxisterio da Escola Universitaria Cardenal Cisneros de Alcalá baixo a dirección do Dr. Josué Llull Peñalba, profesor titular da área de Ciencias Sociais, Xeografía e Historia e de D. Isaac Pinto Gismero, xefe de proxectos informáticos da Escola Universitaria Cardenal Cisneros. O obxetivo do traballo é o estudo da cidade e o fenómeno urbano dende unha perspectiva multidisciplinar.
 Contén imaxes histórico-artísticas (pinturas, debuxos, grabados, fotos antigas, etc), textos explicativos, enlaces a páginas web de interese bibliografía e aplicacións de Google maps dedicadas a máis de 100 cidades de todo o mundo. De España temos: Alcalá de Henares, Alicante, Barcelona, Bilbao, Burgos, Cádiz, Madrid (11), Salamanca, Santander, Segovia, Toledo (4), Valencia, Vitoria e Zaragoza.
 Sinalan que o proxecto está en desenvolvemento, pero agradecen a súa difusión e tamén comentarios e suxerencias de mellora.
Dende aquí os meus parabéns.
Podedes acceder dende o seguinte enlace: "A Cidade na Arte"

martes, 10 de julio de 2012

4 anos de O blog de Sociais

Imaxe dunha tarta decorada con 4 velas Xa me olvidara! O 1 de xullo de 2008 comezou a andadura este blog.
  A verdade é que cada vez cústame máis seguir o ritmo que me plantexara naquel verán hai 4 anos. Ganas non me faltan, pero ás veces fáiseme un pouquiño duro.
Agardo cumplir moitos máis  e  aínda que sexa con retraso saboreando esta tarta un bocadiño é para ti.
Apertas e feliz verán
Marta

lunes, 9 de julio de 2012

Os sete países co mellor medio ambiente do mundo

En Eroski Consumer  Alex Fernández Muerza déixanos un artigo onde analiza os sete países co mellor medio ambiente de mundo segundo o índice "Beffer Life" (Mellor Vida) da  Organización para a Cooperación e o Desenvolvemento Económico (OCDE).  Este índice compara a calidade do medio ambiente segundo varias variables e clasifica os países. Suecia é o país considerado co mellor medio ambiente do mundo e España queda no posto 28.
Merece a pena reflexionar sobre este punto e axudar a mellorar este ranking  e así mellorar a nosa saúde e a calidade de vida.
Pódese ampliar a  información accedendo ao artigo de Eroski Consumer.


Gráfico cos sete países co mellor ambiente do mundo
Os sete países co mellor medio ambiente do mundo

martes, 26 de junio de 2012

Actividades programadas para o curso 2012-2013

A piques de que comecedes as vacacións e desexándovos un feliz verán aproveito para sinalar algunhas das actividades que dende a asesoría Lingüístico social do CFR de Lugo se van ofertar para o curso 2012-2013 e nas que xa vos podedes inscribir:
Imaxe co letra i de información
A inscrición farase entrando na aplicación fprofe.
 Actualización 28/06/2012: Tamén podedes acceder ao Plan anual de formación do profesorado

Cartaz imaxes actividades

sábado, 23 de junio de 2012

ARDE LVCVS MMXII

Un ano máis, Lugo está de festa  celebrando o ARDE LVCVS MMXII, festa declarada de Interese Turístico Galego e na  que durante tres días evocaremos o pasado romano.
Hoxe, pola mañá decidín dar unha volta e saquei algunhas imaxes onde podedes ver como estaba Lugo.

Fotos do ARDE LVCVS MMXII
ARDE LVCVS MMXII

 Agora saio para seguir disfrutando do ambiente festivo.
Programa para descargar dende a web ARDE LVCVS
Actualización 24/06/2012:   Máis imaxes no  álbum  ARDE LVCVS - II
Fotografías do ARDE LVCVS-II
ARDE LVCVS -II

viernes, 8 de junio de 2012

Día SOMOS. Dálle a volta ao mundo

Hoxe, 8 de xuño, sae coa roupa ao revés. Somos así

jueves, 7 de junio de 2012

Plans de formación permanente do profesorado. Curso 2012-2013


A Consellería de Cultura, Educación e Ordenación Universitaria convoca plans de formación permanente (DOG 28 de maio de 2012) para implantar en centros públicos no curso 2012-2013.
Son Plans específicos de formación permanente que, partindo dunha avaliación das necesidades do centro, permiten deseñar accións formativas destinadas á actualización e o perfeccionamento das competencias profesionais do profesorado para a mellora da calidade da educación e dos resultados escolares.
Dese xeito o propio centro pode organizar a formación específica de todo o profesorado interesado.
Características
  • Terán como obxecto desenvolver unha ou máis liñas de traballo.
  • As liñas estarán integradas por un ou máis itinerarios formativos.
  • Teñen unha planificación mínima de dous cursos escolares e máxima de catro.
  • Deben estar aprobados polo Claustro e polo Consello Escolar e incluiranse na programación xeral anual do centro.
  • Debe participar máis do 50% do Claustro. Cada profesor/a pode integrarse como mínimo nun dos itinerarios que forman o plan.
  • O prazo de presentación é dun mes a partir do día 29 de maio.
  • Orzamento ata 6.000 euros
Podes descargar a información e os documentos dende aquí:
Anexos para cubrir e imprimir:
  1. Anexo I
  2. Anexo II
  3. Anexo III
  4. Anexo IV 
NOTA: Incorporación de  novo profesorado ata o 30 de setembro.
Poderase solicitar a colaboración do CFR da zona.
Prazo dun mes a partires do 29 de maio 

martes, 5 de junio de 2012

Blogs de ciencias sociais premiados en Edublog 2012


A semana pasada entregáronse os VI Premios Espiral Edublogs 2012. Estiven revisando se entre os gañadores había algún de ciencias sociais. A maioría dos atopados están relacionados coa materia Coñecemento do medio de 5º e 6º de primaria pero tamén hai hai varios de historia, arte, cultura clásica e economía. Aquí deixo a lista, co medo de esquecer algún.

  • El blog de 5ºB, do CEIP San José de Calasanz de Yecla. Accesit en Blogs de profesores.
    Ten un apartado de Coñecemento do medio no que destaca unha serie de artigos de historia.
  • Obrím una finestra al món, proxecto no que participan máis de 60 centros de varias comunidades, entre eles o EPAPU de Teixeiro. Peonza de oro en Blogs colectivos.
    Este blogue trata temas relacionados con problemas sociais e dereitos humanos, buscando educar na participación. Na rede Ires podemos ler unha comunicación que parte do profesorado e alumnado participante presentaron no Simposio Internacional de Didáctica de las Ciencias Sociales. Imprescindible.
  • Chicos de 5º trabajando do Colexio Norbridge de Buenos Aires. Peonza de bronce en Blogs de centro.
    Tamén ten unha etiqueta Cs. sociais con máis de 40 entradas. 
  • Curioseo e aprendo, do primeiro ciclo de educación primaria do CEIP La Garena de Alcalá de Henares. Peonza de plata en Blogs de centro.
    A sección de Coñecemento do medio ten un menú moi divertido que enlaza recursos para utilizar nas clases.
  • El blog de quinto Pradera de la Aguilera, do CEIP Pradera de la Aguilera de Villamuriel de Cerrato (Palencia). Accesit en Blogs de centro.
    Ten unha organización en unidades didácticas para utilizar coma se fora un libro dixital. Interesante a experiencia de crear un libro para os "merlucillos" de cuarto.
  • Cataclàs, do IES Lluis Companys de Ripollet. Peonza de bronce en blogs de alumnado de bacharelato.
    Blog sobre cultura clásica no que colabora alumnado de iniciación á tecnoloxía informática e grego. En catalán.
  • L'ombra d'un somni, do INS Gallecs de Mollet del Vallès. Peonza de oro en blogs de alumnado de bacharelato.
    Outro blog de cultura clásica en catalán.
  • Noticies del día, do IES Illa de Rodes de Roses. Peonza de plata en blogs de alumnado de bacharelato.
    Blog con presentacións realizadas a partir das noticias económicas dos xornais. En catalán.
  • Mi espacio del Arte, dos grados de historia e humanidades da Universidade a distancia de Madrid. Peonza de prata en blogs adultos e universidade.
    Neste blog o alumnado de Historia da Arte comparten información sobre os seus intereses: lecturas, viaxes, museos, películas e exposicións.

viernes, 1 de junio de 2012

A muralla de Lugo en Google World Wonders

Imaxe onde se ve a Muralla de Lugo

Dende onte xa temos a nosa muralla en Google World Wonders. Podemos percorrela virtualmente e acceder á información histórica, a diferentes fotografías e a dous vídeos titulados "A Muralla na néboa"  de Círculo Visual e "Dá un paseo por Lugo" (visita por museos e espazos da cidade) feito pola Oficina de Turismo de Lugo.
Ademais da Muralla de Lugo podemos ver unha ducia de maravillas nas que se atopa a Catedral de Santiago, toledo, Salamanca, Ávila, Cuenca, Cáceres, Córdoba, o acueducto de Segovia,  as ruínas de Tarragona, Mérida e San Cristobal de La Laguna.
Fotografías da Muralla en abril do 2011. Actualmente está limpiña.

viernes, 25 de mayo de 2012

Symbaloo para as nosas aulas

Imaxe de webmix en Symbaloo con recursos de materias de  ciencias sociais (Galicia)
 Webmix Symbaloo CCSS
Symbaloo é unha aplicación que nos permite organizar os marcadores de forma visual con iconos cadrados que podemos personalizar e que nos levan ao enlace da web correspondente.
 Vía  Digitaula podemos acceder a máis información nos seguintes posts:
Facendo probas estou recopilando webs e blogs do profesorado galego.
Como exemplo deixo a dirección de webs e blogs relacionados coas materias de  Ciencias Sociais  feitos por profesorado galego.
Tamén comecei a recoller webmix relacionados coas NEE,  e pouco a pouco irei engadindo enlaces aos webmix de Lingua e LiteraturaBibliotecas Escolares, Primaria, Educación Infantil ...
Gustaríame coñecer a túa páxina ou blog. Enviame a dirección e tamén a doutro profesorado que coñezas e engadireinas ao Symbaloo.

miércoles, 23 de mayo de 2012

WhatWasThere

Hoxe pasei un bo e agradable rato agradable vendo fotos antigas en WhatWasThere. Esta páxina permite situar fotografías nun mapa e utilizar o Google Street Wiew para situar a imaxe na súa situación, regulando a transparencia para poder ver a fotografía ou como é o lugar na actualidade.

Hai moitas fotografías de cidades de Estados Unidos e Canadá. En Europa non hai moitas, destacando Londres e arredores con máis de 500 fotos. En España a maioría son de Villaviciosa e Barakaldo.

Mapa con imaxes situadas no seu lugar

Rexistrándose pódense subir imaxes. Xa estou buscando fotos antigas de Lugo e do Incio para situalas no mapa.

viernes, 18 de mayo de 2012

Time is nothing

Imaxe da cámara fotográfica Lumix GF1
XatacaFoto
Neste timelapse podemos dar unha mirada rápida arredor do mundo. A viaxe dura 343 días e visitamos 17 países mediante 6237 fotografías tomadas por Kiem Lam cunha cámara como a da imaxe.
Ideal para elixir o destino das próximas vacacións, se a crise o permite.


Fonte: Xatacafoto

jueves, 17 de mayo de 2012

Día das Letras Galegas 2012

Cando ti volvas 
Na matricial Galiza, sempre túa, 
que dend-a Torre d'Hercules ao Miño
un facho acenderá por cada illa,
cando ti volvas pol-o mare; 
de toxo unha fogueira en cada monte, 
cando ti volvas pol-o mare;
dos castros na coróa unha cachela, 
cando ti volvas pol-o mare;
unha loura candea en cada pino, 
cando ti volvas pol-o mare;
o seu cirio de frouma os alciprestes, 
cando ti volvas pol-o mare; 
luces de ardora branca en cada mastro,
cando ti volvas pol-o mare; 
un farol mariñeiro en cada dorna, 
cando ti volvas pol-o mare; 
veliñas â xanela en cada casa, 
cando ti volvas pol-o mare; 
e as pérolas das bágoas derramadas, 
cando ti volvas pol-o mare, 
cando ti volvas pol-o mare... 

Valentín Paz Andrade - Pranto Matricial 
 
Música: Pranto Matricial de 2 na Fronteira

sábado, 12 de mayo de 2012

Orbis, explorando a rede viaria romana

Orbis é un proxecto da universidade de Stanford que reproduce a rede de transportes do mundo romano. Elixindo dúas cidades proporciónanos a ruta entre elas usando as vías terrestres, marítimas e fluviais empregadas hai 2000 anos, calculando a distancia, o tempo e o custo da viaxe segundo o medio de transporte elixido e a época do ano. Permite optar pola ruta máis curta, máis rápida ou máis barata. Os datos para a elección da vía e os cálculos proveñen de documentos da época.
Por exemplo, a ruta máis rápida para cruzar a península desde Tarraco ata Flavium Brigantium ten 1602 km e tardaríase en facela máis de 17 días por rutas terrestres e marítimas.


As rutas pódense descargar no formato kml para incorporalas ao Google Earth.
A páxina de Orbis ofrécenos información moi completa sobre a ferramenta: como utilizala, incluíndo un videotitorial, exemplos, como se realizou, as fontes dos datos empregados, etc.

domingo, 6 de mayo de 2012

WikiPaintings

Acabo de descubrir WikiPaintings, un proxecto que pretende crear un repositorio de obras de arte de alta calidade abarcando dende a arte rupestre ata a actualizade.
Trátase dun proxecto sen ánimo de lucro onde o pesoal usuario pode contribuír engadindo imaxes ou modificando as descricións, corrixindo datos, traducindo a páxina a outros idiomas ou axudando no mantemento da base de datos.
A páxina permite buscas por obras ou artistas con varios criterios de clasificación: movemento artístico, cronolóxicamente, nacionalidade, estilo...
Tamén  se pode facer unha presentación de diapositivas coas obras dun autor.
Intentei crear unha conta, pero de momento a páxina está en fase de probas e recibín un correo informando que temporalmente non é posible rexistrarse.
Un proxecto interesante, que convén seguir e apoiar para ver como evoluciona.


miércoles, 2 de mayo de 2012

Where in the World


No blog de Google entérome de que está disponible o xogo Where in the World en castelán. Cada mes hai que localizar un lugar no Google Maps partindo dunha imaxe e varias pistas. Para resolvelo hai que indicar en qué lugar se atopa a imaxe e a súa localización  no mapa.
As pistas e o formulario para responder poden verse en https://sites.google.com/site/whereintheworldversionespanol/.
O premio non é gran cosa: felicitan á primeira persoa que de a resposta na páxina de G+, no foro de Google Earth e en Twitter. Pero buscando o lugar pásase un rato agradable.
Xa intentara nalgunha ocasión con xogos similares en inglés con pouca sorte e, agora, sego sen tela. Levo case unha hora buscando a imaxe nos arredores de Londres sen atopar nada parecido. Haberá que seguir probando.

domingo, 22 de abril de 2012

Día da Terra

Recordando este día, déixovos algunhas imaxes das miñas andainas.

Día da Terra on PhotoPeach Día da Terra II on PhotoPeach

jueves, 19 de abril de 2012

II Encontro entre o profesorado no Museo del Prado

(c) Museo del Prado
Na sección de educación do Museo del Prado está anunciado o II Encontro entre o profesorado que se celebrará o vindeiro sábado 21 e vai ser retransmitido en directo. O obxectivo deste encontro é dar a coñecer os traballos realizados nas aulas relacionados co museo. No programa do encontro atopamos varias experiencias de centros madrileños.

Na páxina están dispoñibles as ponencias do primeiro congreso, celebrado o ano 2010.

miércoles, 18 de abril de 2012

17 de maio, Día de Internet 2012

Día de Internet 2012
O Día de Internet é un proxecto na rede que xurde da sociedade, pola sociedade e para a sociedade e está aberto á participación voluntaria e gratuíta de todos. Pretende dar a coñecer as posibilidades que ofrecen as novas tecnoloxías para mellorar o nivel de vida dos pobos e dos cidadás.
O Día de Internet aporta unha oportunidade para impulsar e favorecer o acceso á Sociedade da  Información dos non conectados e dos discapacitados.
Todo o mundo pode participar. A través dos diferentes perfiles pódese elixir o que mellor se axusta e o grao de implicación:
Build your own custom video playlist at embedr.com Fonte e máis información na web   Día de Internet 2012

domingo, 15 de abril de 2012

Sir Ken Robinson: ¡A comezar a revolución da aprendizaxe!

Sir Ken Robinson
Sir Ken Robinson, vía Wikipedia
 Sir Ken Robinson é un experto internacional no desenvolvemento da creatividade,  innovación e recursos humanos aplicados ao mundo dos negocios. 
"A estrutura da educación está cambiando baixo os nosos pés. Estamos baixo un proceso de inflación académica. De repente, os títulos non valen nada"
No seguinte vídeo desta conferencia reflexiona sobre o momento no que nos atopamos: de cómo a educación alonxa ás persoas dos seus talentos naturais, a necesidade non dunha evolución se non dunha revolución da educación, o desafío de innovar,os problemas da linealidade da educación, da conformidade e a necesidade dun cambio radical personalizando a educación para contribuír a desenvolver o talento natural do alumnado.


Vía ">Thinking Heads

viernes, 6 de abril de 2012

Mapinterest

Estiven probando Mapinterest, un sitio para compartir información dos que últimamente aparecen seguindo a liña de Pinterest.
Neste caso trátase de situar lugares de interese nun mapa, clasificándoos en cultura e entretemento, comercio, turismo deportes, saúde e educación (non sei porque están na mesma categoría) e hoteis e restaurantes. A estes lugares pode asociarse un vídeo de Youtube ou imaxes de Pinterest ou Instagram.
De momento hai moi poucos usuarios e sitios para ver. A páxina non funciona ben en ocasións, bloqueándose ao pulsar o botón de ir á páxina anterior e ao pulsar nalgúns lugares, pero fíxome ilusión situar Lugo entre os primeiros lugares que aparecen no mapa.

lunes, 2 de abril de 2012

Fragas do Eume

Arde un dos lugares máis fermosos de Galicia.

(c) La Voz de Galicia

V Televisión percorre o corazón das Fragas do Eume. Información sobre a Fraga do Eume:
Recordando unhas fotografías que saquei cunha sinxela cámara fotográfica. Pulsa na imaxe para acceder ao álbum.

Fragas do Eume

martes, 27 de marzo de 2012

A hora do Planeta

Un ano máis, WWF convoca A hora do Planeta para demostrar que hai moitas persoas dispostas a comprometerse na loita contra o cambio climático.
Podes unirte apagando as luces o sábado 31 de marzo entre as 20:30 e as 21:30.
En Lugo tamén  se van apagar na Praza Maior. Hai que superar as 5000 cidades que no 2011 apagaron as luces dos seus monumentos!

lunes, 26 de marzo de 2012

Lembrando a Antonio Tabucchi

"É difícil ter conviccións  precisas cando se fala das  razóns do corazón, sostén Pereira."

martes, 20 de marzo de 2012

Acontecementos históricos contados en Twitter

En Soft&Apps leo dúas iniciativas para reescribir a histoira en Twitter:

Na conta @RealTimeWWII un grupo de estudantes contan acontecementos da II Guerra Mundial como se estiveran pasando actualmente. Os tweets publícanse na mesma data e hora na que aconteceron no ano 1940. Tamén pode seguirse en Facebook.


Na conta @TitanicRealTime infórmannos do afundimento do Titánic, podendo seguir minuto a minuto os acontecementos que ocurriron no barco.


Tamén podemos seguir as vidas de Jonh Ford Kennedy, Richard Nixon, Abraam Lincoln ou George Washington.
Twitter estase a converter nunha forma divertida de aprender historia.

sábado, 17 de marzo de 2012

Guía para deseñar unha secuencia didáctica

A través do Twitter atopei esta presentación de Ana Basterra. Nela pódense ver exemplos de tarefas moi interesantes e atopar consellos para o desenvolvemento das clases e para elaborar unha secuencia didáctica. Os consellos que máis me gustaron foron:
  • Propoñer tarefas, secuencias didácticas e proxectos onde o alumnado faga algo.
  • Deseñar actividades contextualizadas.
  • Empezar con tarefas cortas e próximas.
  • Prantexar actividades con sentido, relacionadas entre sí e que rematen na elaboración dun producto final.
  • Elixir actividades e tarefas que non teñan unha única solución.
  • Dar pautas ao alumando que os axude na resolución.
  • Facilitar a formación entre iguais.
  • Deixar ao alumno momentos para reflexionar no que está a aprender.
  • Corrixir os erros e aplaudir os avances do alumnado.
Na presentación están enlazadas varias tarefas relacionadas co proxecto Un billete de ida e volta, investigación sobre os movementos migratorios entre España e América.

viernes, 17 de febrero de 2012

Principios Neurocognitivos para o ensino de nativos dixitais

Despois dun longo período de "obrigado descanso" debido a  unha fractura de Colles, engado unha nova entrada  con este vídeo que atopei do Dr . Roberto Rosler  (médico neurociruxano na Universidade de Bos Aires).  Roberto Rosler, tendo en conta os Principios Neurocognitivos de cómo funciona o cerebro dos nativos dixitais,  dunha forma divertida  e didáctica indícanos unha serie de recomendacións á hora de elaborar presentacións e desenvolver unha clase.
Merece a pena escoitalo!
 

Nos seguintes enlaces: Un menage a trois cerebral: "Reptiles, Emociones y Cogniciones" analiza tamén de forma  científica, educativa e sen deixar de ser divertida o funcionamento do noso cerebro.
1/3: Un menage a trois cerebral: "Reptiles, Emociones y Cogniciones"
2/3: Un menage a trois cerebral: "Reptiles, Emociones y Cogniciones"
3/3: Un menage a trois cerebral: "Reptiles, Emociones y Cogniciones"

Agardo que sexa do voso interese.