jueves, 31 de diciembre de 2009

O Twitter de Sociais

Levo tanto tempo oíndo falar de Twitter e os microblogs que non puiden resistirme e creei o twitter de sociais.
Por agora non lle vexo moita utilidade ao invento. Creo que estou entre as fases 9 e 10 das 46 propostas por Shane Nickerson, así que aínda teño moito camiño por diante.
Anoto as páxinas ás que me interesa voltar a miúdo, pero iso xa o facía co Mister-Wong de forma moito máis ordenada. Tamén sigo os tweed de xente e institucións como o Museo do Prado, o Museo Provincial de Lugo ou @Iniciarte, pero para estes traballos tamén prefiro o Netvibes.
En fin, seguiremos traballando, a ver se co tempo acabo de collerlle o gusto.

Páxinas que falan dos usos educativos de Twitter:

domingo, 27 de diciembre de 2009

Holandeses no Museo do Prado

No Museo do Prado podemos ver a exposición Holandeses no Prado, que estará aberta ata o día o 11 de abril de 2010 e que coincide coa publicación do primeiro catálogo razoado sobre as obras holandesas presentes na pinacoteca madrileña. A mostra ten como peza central a Judith no banquete de Holofernes, de Rembrandt. Conta tamén con obras de diferentes autores como Jan Both, Jacob Ruisdael, Gabriel Metsu, Adrien van Ostade, Philips Wouwerman...


miércoles, 23 de diciembre de 2009

Premios materiais educativos do ITE

Lendo o último Boletín de novidades de Educared entereime que A viaxe a Grecia acadou o Primeiro Premio Nacional no concurso convocado polo Ministerio de Educación no 2009, a través do ISFTIC, para materiais educativos curriculares en soporte electrónico. Os seus autores son Gonzalo Trespaderne, Manuel Merlo e Eduardo Alés do IES Abdera de Adra (Almería) que xa no 2007 acadaron o Primeiro Premio polo seu traballo Axial.
A viaxe a Grecia é unha aplicación informática creada para desenvolver a asignatura de Filosofía y cidadanía. Posúe recursos educativos que poden servir de modelo modelo para todas as áreas tanto para secundaria como para primaria.
En opinión dos autores tamén se pode utilizar na casa en colaboración coa familia e sinalan:
"ten á base unha novela didáctica escrita ex profeso, con máis de douscentas páxinas e cen ilustracións a toda cor. A partir dela, ofértase un profesor virtual, textos, fichas de contido , un blog, unha wiki; diversas actividades entre as que destacan as elaboradas a partir de videos, audios, cuestionarios interactivos, etc."

No apartado de blogs acadou o primeiro premio o titulado Os blogs de Sociais do Departamento de Xeografía e Historia do IES Tiempos Modernos de Zaragoza polos seus blogs de aula de ESO e BACH para Ciencias Sociais, Xeografía e Historia.

O portal Artecreha, dedicado á didáctica da Historia da Arte en todos os niveis educativos obtivo o segundo premio no apartado blogs educativos. O grupo Creha foi creado no ano 2001 por Javier Jiménez Zorzo; Ignacio Martínez Buenaga; J. Antonio Martínez Prades e Jesús Martínez Verón cos obxectivos de renovar os materiais didácticos relacionados coa historia da arte e divulgar temas relacionados con esta materia. Na súa páxina reúnen recursos, comentarios, estilos artísticos, diccionario de termos ...

sábado, 19 de diciembre de 2009

Felices festas

viernes, 18 de diciembre de 2009

Diccionario Xeográfico Ilustrado de Galicia

Hoxe no Hotel monumento San Francisco realizouse a presentación do Diccionario Xeográfico
Ilustrado de Galicia
.
Francisco Javier Río Barja, (Lugo,1919 ) é o director desta obra. Doutor en Xeografía e Historia, ademais de licenciado en Filosofía e Letras ao longo da súa vida Río Barja recibiu diversos premios e recoñecementos polo seu traballo tales como a Medalla Castelao e o Premio Xunta de Galicia de Investigación. Entre os seus libros publicados destacan "Mapa en relieve de Galicia 1:100.000", "Bibliografía das Xeografías", "Cartografía xurisdiccional de Galicia no século XVIII" e "Galicia, esa descoñecida".
Nesta obra colaboran destacados especialistas, a Comisión de Toponimia da Xunta de Galicia, o Sitga e o Colexio de Xeógrafos de Galicia realizando a supervisión editorial Francisco Rodríguez Lestegás.
A colección consta de 28 tomos contendo máis de 50.000 entradas, 10.000 fotografías, 1.000 mapas e unha detallada cartografía.
Poderase obter a partir do día 20 xunto a El Correo Gallego e Galicia Hoxe.
(Información e imaxes recollidas de El correo Gallego.es)

jueves, 17 de diciembre de 2009

Ruta nas Illas Cíes

Xa hai tempo que fixen unha ruta polas Illas Cíes, no mes de maio, pero remateina tan enfadada que non quixen nin ver as fotografías.

As previsións xa non eran moi boas: chuvia pola mañá que iría remitindo pola tarde. A realidade foi catastrófica: chuvia constante pola mañá que evolucionou a diluvio despois de comer. Total que estivemos todo o día subindo aos miradores para ver... nubes.

Percorremos as rutas do Monte Faro, do Faro da Porta, de Monteagudo e do Alto do Príncipe, dende as que segundo o guía pódense contemplar fermosas vistas. Ata deixei algún tramo sen percorrer porque xa sabía o que esperaba ao final.

A tarde fixémola a paso lixeiro e rematamos unha hora antes do previsto. Estabamos desexando poñer roupa seca e tomar un café quentiño.

Como hai que aprender de todo, quedeime con que teño que poñer o plástico cando cae a primeira gota. ¡Nada de esperar uns minutos a ver se para!

A pesar de todo quédame o desexo de voltar moi pronto e déixovos cunhas imaxes deste fermoso parque natural que sacamos neste día.

jueves, 10 de diciembre de 2009

10 de decembro, Día dos Dereitos Humanos

Hoxe celébrase o Día dos Dereitos Humanos, que neste ano vai ter como tema central a non discriminación co lema "Vive a diversidade, termina coa discriminación". Hoxe temos que recordar distintas situacións de marxinación que vivimos a cotío: a emigración, o trato aos indíxenas e minorías étnicas, a violencia contra a muller, os problemas das persoas discapacitadas...
Neste día conmemórase o aniversario da Declaración Universal dos Dereitos Humanos en 1948 como consecuencia de dúas guerras mundiais.
No vídeo a Alta Comisionada da ONU para os DD HH, Navi Pillay, promove un mundo no que todas as persoas sexan tratadas por igual.



Máis información sobre o Día dos Dereitos Humanos:
Para rematar, podemos visionar este vídeo de Human Rights Action Center sobre a Declaración Universal dos Dereitos Humanos

lunes, 7 de diciembre de 2009

Descubre lugares patrimonio da Humanidade con Street View

Podemos visitar algúns dos lugares Patrimonio da Humanidade grazas á colaboración entre Gooogle Maps e a UNESCO.
De momento só se poden ver algúns dos lugares do patrimonio europeo, moitos deles en España, e entre eles a Praza do Obradoiro en Santiago, a Praza Maior de Salamanca e a Cidade Vella de Cáceres.
Agardamos que moi pronto podamos visionar outros lugares que pola súa distancia non podemos ir tan fácilmente.

viernes, 4 de diciembre de 2009

Pola defensa dos dereitos fundamentais en internet

Cun pouco de retraso, únome ao manifesto pola defensa dos dereitos fundamentais en internet redactado conxuntamente por xornalistas, blogueiros e internautas. Tedes máis información no gupo de Facebook "En defensa de los derechos fundamentales en internet".
Tamén podedes asinar a petición dun ADSL máis barato e de maior calidade, aínda que de momento parece que o goberno non fai moito caso.

"Ante a inclusión no Anteproxecto de Lei de Economía sostible de modificacións lexislativas que afectan ao libre exercicio das liberdades de expresión, información e o dereito de acceso á cultura a través de Internet, os xornalistas, blogueiros, usuarios, profesionais e creadores de internet manifestamos a nosa firme oposición ao proxecto, e declaramos que…

1.- Os dereitos de autor non poden situarse por riba dos dereitos fundamentais dos cidadáns, como o dereito á privacidade, á seguridade, á presunción de inocencia, á tutela xudicial efectiva e á liberdade de expresión.

2.- A suspensión de dereitos fundamentais é e debe seguir a ser competencia exclusiva do poder xudicial. Nin un peche sen sentenza. Este anteproxecto, en contra do establecido no artigo 20.5 da Constitución, pon nas mans dun órgano non xudicial -un organismo dependente do Ministerio de Cultura-, a potestade de impedir aos cidadáns españois o acceso a calquera páxina web.

3.- A nova lexislación creará inseguridade xurídica en todo o sector tecnolóxico español, prexudicando un dos poucos campos de desenvolvemento e futuro da nosa economía, obstaculizando a creación de empresas, introducindo atrancos á libre competencia e ralentizando a súa proxección internacional.

4.- A nova lexislación proposta ameaza aos novos creadores e obstaculiza a creación cultural. Con Internet e os sucesivos avances tecnolóxicos democratizáronse extraordinariamente a creación e a emisión de contidos de todo tipo, que xa non proveñen prevalentemente das industrias culturais tradicionais, senón de multitude de fontes diferentes.

5.- Os autores e autoras, como todos os traballadores, teñen dereito a viviren do seu traballo con novas ideas creativas, modelos de negocio e actividades asociadas ás súas creacións. Tentar soster con cambios lexislativos unha industria obsoleta que non sabe adaptarse a este novo contorno non é nin xusto nin realista. Se o seu modelo de negocio se baseaba no control das copias das obras e en Internet non é posible sen vulnerar dereitos fundamentais, deberían procurar outro modelo.

6.- Consideramos que as industrias culturais necesitan para sobrevivir alternativas modernas, eficaces, creibles e asequibles e que se adecúen aos novos usos sociais, en lugar de limitacións tan desproporcionadas como ineficaces para o fin que din perseguir.

7.- Internet debe funcionar de forma libre e sen interferencias políticas auspiciadas por sectores que pretenden perpetuar obsoletos modelos de negocio e imposibilitar que o saber humano siga a ser libre.

8.- Esiximos que o Goberno garanta por lei a neutralidade da Rede en España, ante calquera presión que poida producirse, como marco para o desenvolvemento dunha economía sostible e realista de cara ao futuro.

9.- Propoñemos unha verdadeira reforma do derecho de propiedade intelectual orientada ao seu fin: devolver á sociedade o coñecemento, promover o dominio público e limitar os abusos das entidades xestoras.

10.- En democracia as leis e as súas modificacións deben aprobarse tras o oportuno debate público e tendo consultado previamente todas as partes implicadas. Non é de recibo que se realicen cambios lexislativos que afectan a dereitos fundamentais nunha lei non orgánica e que versa sobre outra materia".

martes, 1 de diciembre de 2009

Contos Solidarios

Contos Solidarios é un proxecto promovido pola ONG de Chantada Bicis pola Paz. Na presentación da páxina podemos ler:
"Contos Solidarios percorreu máis cincocentas escolas e visitou a máis de 60.000 nenas e nenos co obxectivo de sensibilizar e concienciar as/os alumnas/os sobre a necesidade dun compromiso solidario coa xustiza e a liberdade, empregando como ferramenta lúdico-pedagóxica o conto, a poesía, o humor, a mímica….. Contos Solidarios abre esta páxina web para achegar os contos e o traballo de Bicis pola Paz e Papaventos a todas/os que queirades coñecelo, e para que colaboredes con esta iniciativa que reivindica outro mundo posible a través dun universo paralelo formado polos contos solidarios, no que nos poidamos refuxiar para construír un mundo real de xustiza e liberdade."
Nesta páxina hai unha selección de contos ilustrados, algúns por alumnado dos colexios de Chantada e outros por artistas como Cristina Ouro ou Irene Contreras. Pódense ler mediante unha agradable interface feita en flash na que soamente hai que pulsar na frechas para pasar á páxina seguinte.
Na sección cineteca podemos ver recomendacións de películas e libros.
Co diñerio recadado co proxecto Contos Solidarios finánciase a compra de bicicletas doadas para o profesorado, persoal médico, promotores e promotoras da saúde e veterinarias e veterinarios de países de Asia, África e América Latina.

miércoles, 25 de noviembre de 2009

25 de novembro, Día Internacional contra a violencia de xénero

O ano 1999 a ONU declarou o día 25 de novembro como Día Internacional contra a violencia cara a muller.Foi elexido este día polo asasinato no ano 1960 das irmás Patria, Minerva e María Teresa Mirabal a mans da policía salvadoreña.
Déixovos con este video con música de Beyoncé que atopei en Youtube.

domingo, 22 de noviembre de 2009

Xeografía Plus

O portal Educa Plus ofrécenos unha colección de ferramentas interesantes para atopar datos xeográficos: a hora en calquera país, número de habitantes, densidade de poboación, PIB, esperanza de vida...
Ademáis podemos xerar unha serie de gráficas e táboas de datos:
  • Pirámides de poboación indicando o país e o ano.
  • Curvas de evolución da poboación: densidade de poboación, número de nacimentos, tasas de natalidade e mortalidade... Pódense comparar as curvas de dúas zonas, por exemplo a de Europa coa do mundo.
  • Índices demográficos das distintas zonas xeográficas o ano que elixamos.
  • Unha clasificación dos países segundo calquera dos parámetros cos que traballa o sistema.
Tamén podemos ver datos sobre a poboación española por comunidades autónomas ou provincias.
Como complemento hai uns test e unha sección de enlaces a outros lugares de xeografía que aínda ten pouquiños.
Na presentación podedes ver capturas de pantalla dalgunha destas actividades, pero é mellor que fagades unha visita á páxina e exploredes as distintas ferramentas.

lunes, 16 de noviembre de 2009

Os Pintores de Artal. Pintura española do Museo da Habana

Na Sede da Fundación Caixa Galicia de Lugo inaugurouse o pasado 16 de outubro unha nova exposición que podemos visiar ata o 21 de marzo. A través desta mostra chamada "Os Pintores de Artal. Pintura española do Museo da Habana" podemos ver obras de Sorolla, Rusiñol, Fortuny, Sotomayor... nun total de 27 paletas e 20 óleos de artistas que participaron nos Salóns de Artal de Arxentina e que actualmente pertecen ao Museo de Belas Artes da Habana.
José Artal foi un comerciante catalán asentado en Arxentina que entre 1897 e 1913 organizou 24 exposicións de arte español en Bos Aires, o que iniciou a difusión de artistas de España en Sudamérica.
Dende o Servizo Educativo ofértase aos centros escolares un programa didáctico dirixido a Educación Infantil, Educación Primaria e Educación Secundaria.
As imaxes que acompañan este artigo son Dous nenos de Fernando Álvarez de Sotomayor e Paisaxe de Mallorca de Joaquín Mir.


martes, 10 de noviembre de 2009

Os muros que non caeron

Entre os especiais que os medios de comunicación dedicaron o día 9 de novembro á caída do Muro de Berlín hai que destacar o titulado "Os muros que non caeron" no BBC Mundo.
Trátase dun percorrido por 14 barreiras que seguen separando pobos polos motivos máis diversos: violencia, enfermidades, combatir a inmigración... Algunhas témolas tan próximas como as de Ceuta e Melilla.
É unha magnífica reportaxe que convén que non caia no esquecemento.

Ver Os muros que non caeron en un mapa más grande

lunes, 9 de noviembre de 2009

Premio Nacional de Fotografía 2009

Gervasio Sánchez (Córdoba) é un fotógrafo, periodista e reporteiro de guerra que traballa para o Heraldo de Aragón, A Ser, La Vanguardia, El País e Tiempo. O 6 de novembro concedéuselle o Premio Nacional de Fotografía concedido polo Ministerio de Cultura e dotado con 30.000 euros "polo seu compromiso continuado coa fotografía como ferramenta de denuncia da violencia nos conflictos armados, pola súa continuada labor a favor da xusticia e especialmente polo seu traballo sobre as minas anti-persoas" e pola súa aportación á fotografía de reportaxe e por "como a través dela se dignifica ás víctimas fotografiadas, cunha mirada particular que enaltece os mellores valores do fotoperiodismo".
Gervasio Sánchez dedicou este premio aos seus amigos periodistas e fotógrafos mortos no exercicio da súa profesión.



No ano 1995 comezou o proxecto "Vidas minadas", seguindo durante anos ás víctimas das minas antipersoais nas poboacións dos países máis minados do mundo, en colaboración con Intermón Oxfam, Manos Unidas e Médicos sen Fronteiras.

Tamén no seu blog Los desastres de la guerra podemos atopar outros artigos e fotografías das súas vivencias nestes países en guerra.
Gervasio Sánchez recibiu tamén o ano pasado o Premio Ortega e Gasset de Periodismo Gráfico e o Internacional de Periodismo Rey de España no apartado de fotografía e agora está preparando un traballo sobre as desaparicións por motivos políticos.
Noraboa por este premio e pola constancia na labor dun periodismo comprometido.

viernes, 6 de noviembre de 2009

Mirando ao infinito

Un amigo matemático recomendoume mirar este blog e levo uns días que o visito en canto teño un ratiño libre. O autor é Paco Lozano, profesor de matemáticas no IES Luna de la Sierra de Adamuz (Córdoba), pero aficionado á fotografía e a pintura, actividades ás que reserva dous seccións no blog.
Aquí coñecín artistas da nosa época que non tiña ningunha referencia e que teñen obras fermosas: Su Blackwell, Anna Rivera, Mario Mariotti, Steve Hanks... Tamén hai artigos dedicados a fotógrafos: Cristobal Serrano, Desiree Doiron, Gabriel Brau...
Paco é autor dunha colección de fondos de escritorio creados con fractais. Dende hai un ano publica un calendario que vai permitirme ter o mes sempre na pantalla do ordenador. A ver se así non teño tantos despistes co día no que vivo.
Neste blog tamán podemos estar ao día en ferramentas tic, web 2.0 e outros recursos informáticos.
É un blog ideal para disfrutar e relaxarse coas súas imaxes tras un día de traballo.

sábado, 31 de octubre de 2009

FotoPress 09

Na CaixaForum de Barcelona pode verse a exposición coas fotografías do premio FotoPress 09, no que se recoñece o traballo de sete fotógrafos e dúas fotógrafas sobre a violencia en países en conflicto.
O primeiro premio foi para Emilio Morenati coa serie "Violencia de xénero", retratos de dez mulleres pakistaníes que sufriron ataques con ácido e os seus rostros quedadon desfigurados de por vida.


Walter Astrada obtivo o 2º premio con "Violencia postelectoral en Kenia", con fotografías obtidas en xaneiro e febreiro do ano 2008 tras unhas eleccións nas que houbo máis de 1300 mortos.


O terceiro premio otorgouselle a Alfonso Moral con "Líbano, entre mar e lume", con fotografías que documentan a multiculturalidade do país.


Na exposición tamén pódense contemplar os traballos doutras seis persoas becadas: Mikel Aristregi, Lurdes R. Basoli, José Luis Expóxito, Aleix Plademunt, Marta Ramoneda e Fosi Vegue.

WebQuest sobre igualdade

Amar na diversidade, vivir na igualdade. WebQuest creada por Marcelino Veiguela Fuentes e Esther Mato Méndez do IES Chapela de Redondela que acadou o primeiro premio ás webquest sobre educación afectivo-sexual (Resolución conxunta da Dirección Xeral de Ordenación e Innovación Educativa da Consellería de Educación e da Dirección Xeral de Saúde Pública da Consellería de Sanidade. 31 de mayo de 2007).
Nela faise unha análise da linguaxe sexista nos refráns e letras de cancións centrándose na transmisión de estereotipos e a persecución da homosexualidade e exclusión social de determinadas persoas.

Crea unha campaña. Nesta webquest trátasede concienciar ao alumnado sobre a violencia de xénero e, ao mesmo tempo, coñecer algunhas claves da lenguaxe publicitaria. Ten cinco actividades destinadas a crear unha campaña publicitaria co seu slogan, imaxes e un vídeo cunha banda sonora e voz. Para deseñar a webquest e colocala en internet utilízase WordPress, ferramenta de xestión de blogs.
Está creada como traballo para o e seminario para Diversificación Curricular e PIEE do Berritzegune de Getxo (Bizkaia) polas profesoras Mari Paz Balagué, Adela Fernández e Marta Pelayo e o profesor Patxi García.

8 de marzo: día da muller. Creada por Valle Rodríguez Félix para o alumnado do terceiro ciclo de Educación Primaria, dentro dunha unidade didáctica realizada con motivo do Día Internacional da Muller. Estúdianse as diferenzas entre homes e mulleres nos ámbitos lexislativo, laboral, educativo e periodístico. A clase divídese en catro grupos que se encargan de preparar cada un destes ámbitos e despois expoñen na aula as conclusións a que chegaron.

Dereitos humanos. Preparada por Axial dentro de unha unidade didáctica sobre os dereitos humanos. A principal fonte de información que hai que manexar é o vídeo, en particular os de Human Rights. Tras a visualización dos vídeos o alumnado sacará conclusións sobre as consecuencias positivas que nos aporta o seu complimento. Un dos grupos dedícase aos dereitos da muller.

Rosa Caramelo. Webquest para educación infantil e primeiro ciclo de primaria creada por Rocío Cabanillas. A partir dun conto propón unha serie de actividades que conclúen nun mural colectivo de xoguetes non sexistas e un libro de xogos para a coeducación.
O deseño está moi coidado, con arquivos de son que axudan ao alumnado e indicacións para o profesorado.

martes, 27 de octubre de 2009

Patrimonio da Humanidade 2009

A UNESCO, na reunión de Sevilla do 28 de xuño, inscribiu 13 novos sitios na lista do Patrimonio Mundial na reunión celebrada en Sevilla a finais de xuño. Hai dous novos sitios naturais e once culturais.
No mapa situei nestes lugares as descricións da Unesco e enlaces a diversas páxinas informativas.


Ver Patrimonio da humanidade 2009 en un mapa más grande

jueves, 22 de octubre de 2009

Museos virtuais

O V Congreso de Educared que se vai celebrar en Madrid do 26 ao 28 de novembro ten unha fase online gratuita na que podemos ver unha serie de ponencias, experiencias, debates, entrevistas e talleres de diversos temas.
O pasado día 16 de outubro celebrouse un chat comentando unha ponencia sobre museos virtuais de Verónica Weber, profesora arxentina que actualmente é coordinadora do proxecto "Aventuras en Internet". Nesta ponencia Verónica fai unha clasificación dos museos virtuais atendendo a súa relación cun museo real, desde os que son meros folletos anunciadores ata os que soamente ten presenza en internet. Tamén falou dos aprendizaxes informais e das posibilidades dos museos para promover este tipo de aprendizaxes, proporcionando novos escenarios que trasladen ao noso alumnado a outra épocas e lugares aos que non poden acceder fácilmente.
Os asistentes ao chat falaron da potencialidade dos museos para motivar e o valor das actividades co museo virtual como complemento dunha visita real. Tamén se comentaron as limitacións destes entornos polos problemas de conexión das escolas e a falta de práctica no traballo na rede.
Non podo enlazar os materiais porque non son accesibles sen estar inscrito no congreso (a inscrición ao congreso virtual é gratuíta) así que poño un mapa conceptual que fixen a partir da presentación de Verónica sobre os tipos de museos.

viernes, 16 de octubre de 2009

WebQuest Sociales

Saltando de páxina en páxina nunha tarde de aburrimento atopei este blog, . Os únicos datos que teño do seu autor é que se chama Juan de Jesús e traballa no Centro Montessori de Educación Personalizada de Santo Domingo.
No blog podemos atopar:
Juan de Jesús tamén é autor dunha páxina web dedicada a temas de liderazgo e crecimento persoal e un aula virtual en Moodle para os seus cursos, pero non puden entrar en ningún por que non admite o acceso a convidados.

martes, 13 de octubre de 2009

¿Por que razón necesitamos diferentes tipos de mapas?

No último boletín de Eduteka fala deste proxecto colaborativo preparado por ePals e traducido ao castelán por Eduteka. Os seus obxectivos son:
  • Usar un mapa físico, un climático e un político para reunir información coa finalidade de formular e responder preguntas sobre un sitio determinado.
  • Utilizar da mellor maneira os correos electrónicos para facer preguntas e atopar respostas, sobre a súa propia ubicación xeográfica e a de outras persoas.
  • Prantexar preguntas sobre xeografía e obter información xeográfica usando unha linguaxe académica e diferentes tipos de mapas.
O proxecto está preparado para traballar nos centros asociados a ePals, pero é fácilmente modificable para adaptalo ás necesidades do noso centro e a outros cos que teñamos relación. Incluso, se non podemos atopar outros centros para facer o traballo, podemos centrarnos nos obxectivos xeográficos e cartográficos aproveitando a idea e os recursos enlazados na páxina.

sábado, 10 de octubre de 2009

¡Alto aos desastres!

A EIRD son as siglas da Estratexia Internacional para a Redución dos Desastres. Depende da Organización das Nacións Unidas e propón medidas para a redución dos efectos dos desastres causados por perigos naturais como inundacións, terremotos e volcáns.
Entre as súas actividades formativas está a páxina ¡Alto aos desastres!, destinada a mozas e mozos entre 9 e 16 anos. Trátase de cinco xogos de simulación nos que hai que enfrentarse a situacións provocadas por desastres naturais: tsunami, ciclón, incendio forestal, terremoto e inundación. O obxectivo do xogo é construír un entorno seguro para a poboación e avaliar o risco de desastre intentando reducir os danos humanos, físicos e o coste económico.

martes, 6 de octubre de 2009

Redes sociais, quero ser o teu amigo

wNesta reportaxe emitida pola Cadea Catro analízase o uso de distintas redes sociais: emprego que fai delas a xuventude, problemas para a intimidade, aplicacións na política e no ensino...
A parte dedicada ao ensino está a partir do minuto 45 e está rodada en centros de A Coruña.
Como ferramentas máis empregadas polo profesorado fala de:
  • Moodle: aula virtual, para difundir apuntes e exercicios, manter contactos co alumnado mediante os foros...
  • Twitter: microblog, para levar un diario de clase
  • TeacherTube: sistema de aloxamento de blog, similar a Youtube pero especializado en blogs didácticos.

Ver documentales online en DocumaniaTV.com


Máis información sobre redes sociais:

lunes, 28 de septiembre de 2009

Séraphine de Senlis

O venres fun ver a película Séraphine, proxectada na XXXI Semana Internacional de Cine de Autor de Lugo. Narra a vida da pintora francesa Séraphine Louis, tamén coñecida por Séraphine de Senlis. Esta muller traballou como pastora na súa infancia e, posteriormente, limpando casas. Fabricaba ela mesma as cores mezclando a pintura máis barata con cera de candeas que collía na igrexa, terra, a súa sangue...
O marchante de arte Willien Uhde a coñeceu nunha temporada que pasou en Senlis antes da 1ª Guerra Mundial, cando Séraphine limpaba a súa casa. Promocionouna comprando os seus cadros e incluíndoos na exposición colectiva "Los primitivos modernos".
Séraphine non soubo administrar os cartos obtidos nos seus anos de éxito. A crise económica de 1930 provocou a ruina de Williem Uhde e, por tanto, Séraphine voltou á pobreza. Os últimos anos da súa vida pasounos nun asilo psiquiátrico.


A película está dirixida por Martin Provost e protagonizada por Yolande Moreau e Ulrich Tukur.
Déixovos co seu trailer.

miércoles, 23 de septiembre de 2009

Henri Fantin-Latour no Museo Tyssen

Neste agosto tiven a oportunidade de ver a exposición "Fantin-Latour" na Fundación Calouste Gulbenkian de Lisboa. En colaboración con este museo en España poderémola ver no Museo Thyssen desde o 29 de setembro ata o 10 de xaneiro de 2010. Fantin-Latour (Grenoble, 1836 - Buré, 1904) formouse á carón de seu pai, tamén artista, e nos obradoiros de Lecocq de Boisbaudran e Courbet. Amigo dos impresionistas mantivo nos seus cadros un realismo lírico propio. Gran parte dos seus traballos podemolos ver no Musée d´Orsay e no Musée des Beaux-Arts de Grenoble. Compañeiro de xeración de Manet, Degas e Whistle, compartiu con eles moitas das súas aspiracións.
A esposición consta de arredor de 70 pinturas, consideradas de primordial importancia e algunhos debuxos preparatorios amosados cronoloxicamente e estructurados en seccións:
  • Autorretratos nos que busca a expresión de emocións a través da súa propia imaxe.
  • Copias de obras do Louvre, entre os que destacan os traballos de Titian, Veronese, Rubens e Delacroix.
  • Retratos intimistas xeralmente de figuras femininas bañados de silencio e dunha melancolía que reflexa a intimidade entre a modelo e o pintor.
  • Ramos e cadros de flores feitas con rigurosas mezclas de formas e cores.
  • Naturezas mortas elaboradas por Fantin-Latour na súa xuventude.
  • Estudos e lecturas
  • Retratos de artistas e escritores que lle foron contemporáneos.
  • Obras de tema musical constituiron unha fonte boa de inspiración do seu traballo.
  • Retratos austeros e retratos familiares coma o retrato da parella Edwards, o de Charlotte Dubourg e o do seu amigo Léon Maïtre son os mellores.
  • Temas simbolistas e naturezas mortas da fase de madurez do pintor.

domingo, 20 de septiembre de 2009

Stieg Larsson

Este verán estiven lendo a triloxía Milenium de Stieg Larsson. Coincido coa opinión xeralizada de que son unhos libros moi adictivos. A súa lectura é dinámica e engancha de tal forma que nunha semana lin os tres.
Entérome polo blog de Montserrat Boix de que este autor recibiu un premio concedido polo Observatorio contra a Violencia Doméstica e de Xénero do Consello Xeral do Poder Xudicial "pola súa aportación, a través da literatura, na visualización e denuncia da violencia contra as mulleres que se segue perpetuando nas sociedades actuais, tamén nas máis avanzadas; e por poñer de manifesto que non só é desesexable senon posible a construcción dunha sociedade libre de violencia de xénero, por todos os seus integrantes, mulleres e homes".
O premio vai ser entregado o 21 de setembro e vai ser recollido
por Eva Gabrielsson, compañeira do escritor.
Paréceme un bo acerto este premio.

miércoles, 16 de septiembre de 2009

¿E como chegaches aquí?

No Caderno Intercultural atopo un enlace ao blog "A longa viaxe de moitos inmigrantes a Andalucía. ¿E como chegaches aquí?" onde se recollen historias de persoas de distintos países do mundo que están vivindo en Andalucía. Fánselle preguntas sobre as costumes do seu lugar de orixe, os motivos da viaxe e como o fixeron, o que esperaban atopar en Andalucía, cidades polas que pasaron, como foi a súa acollida... É un excelente lugar para coñecer as súas experiencias.
Tamén podemos escoitar "Linguas do Mundo" onde recollen saúdos na súa lingua dalgunhas das persoas que colaboraron no blog e "Música do Mundo", unha colección de enlaces a vídeos musicais.
O blog está preparado por Guadalinfo, "A cidade virtual máis grande de Andalucía", unha rede social promovida polo goberno andaluz.

Ver Y como has llegado aqui en un mapa más grande

miércoles, 9 de septiembre de 2009

Webquest (I)

Facía tempo que non revisaba as webquest que vou gardando nos meus favoritos. Estas son as últimas que clasifiquei:
  • Viaxe a Roma - Creada por Fernando Sanz Barbadillo, do IES La Arboleda para que o seu alumnado de Bacharelato preparasen unha viaxe que fixeron en xuño deste ano. Trabállanse contidos de arte, xeografía, historia e física. Entre os materiais que deben preparar está unha guía de viaxe e un periódico virtual. É moi ambiciosa e tivo que supoñer un gran traballo tanto para o profesorado como para o alumnado implicado, que a realizou fora das horas de clase durante un trimestre. Ven acompañada dunha guía didáctica.
  • Historias da Idade Media - Preparada por Josefa Fernández Rodríguez para o alumnado do Terceiro Ciclo de Educación Primaria. O producto desta webquest é un conto ambientado na Idade Media, no que deben describirse os lugares nos que transcurre a acción es os personaxes: como van vestidos, a súa forma de vida... Nas primeiras actividades trátase de buscar información sobre a época, que despois aproveitarase na redacción do conto. Conta cunha "Guía do profesor" na que a autora explica os obxectivos, temporalización agrupamentos, intervención do profesorado...
  • Arte románica - De Mª Auxiliadora de la Torre para alumnado da ESO. Trátase de preparar uns murais sobre a arquitectura, escultura e pintura románicas que sirvan preparar os decorados dunha película ambientada na Idade Media.
  • Os cántabros - Ainda que trata dun tema que en Galicia non traballamos, póñoa como exemplo de webquest cun deseño atractivo para alumnado de Infantil e Primeiro Ciclo de Primaria. Os textos veñen acompañados de arquivos de son e animacións en flash. O autor é Oscar Barquin.

jueves, 3 de septiembre de 2009

Road movie

Javier Ridruejo, profesor de Historia da Arte no IES Alagón, publicou no blog Locus amoenus unha serie de artigos co título "Road movie" onde vai comentando algúns lugares de España e Inglaterra que visitou no verán. En vez de pararse nas zonas máis coñecidas das cidades visitadas preséntanos unha serie de edificios que chamaron a súa atención.
Así podemos visitar o edificio de usos múltiples da Xunta de Galicia en Vigo, a nova sede da Junta de Castilla e León en Valladolid, o Greater London Auditory de Londres, O Palacio de Festivales de Cantabria en Santander...
As posibilidades didácticas poden ser múltiples: o modelo dado por estes artigos pode ser aproveitado para algún traballo na aula ou tamén prepara un blog colectivo onde cada alumno e alumna describa algún lugar dos visitados nas vacacións. Ou, despois dunha excursión, facer unha wiki con traballos e fotografías dos lugares visitados.
Unha voa iniciativa para manter ao alumnado interesado nas últimas tendencias arquitectónicas e para afianzar o coñecemento e valoración do noso patrimonio histórico e cultural.
Esperemos que Javier siga mostrándonos os lugares visitados e repita a experiencia nas próximas vacacións.


Ver roadmovie en un mapa más grande

lunes, 31 de agosto de 2009

Fin das vacacións

Hoxe é o último día das vacacións de verán. Para aproveitar o bo día que tivemos fun á praia da Frouxeira en Valdoviño. Estivo unha tarde fermosa que aproveitei para tomar o sol e rematar a última novela que estiven lendo esta semana.
Ao final do serán fun tomar un café ao restaurante da praia pensando na volta ao traballo.
Falando co camareiro que me atendeu coméntame: "hoxe remato o traballo. En setembro o restaurante só abre os fins de semana e xa ven pouca xente. Aquí so hai traballo no verán.". É unha boa persoa que sempre me atendeu con moita amabilidade e un sorriso.
Se antes viña algo apesarada polo remate das miñas vacacións, entristecinme máis pensando na paradóxica situación que se da: unhas persoas lamentándonos polo comezo do traballo e outras quedando sen el. E sentín que nos queixamos excesivamente por cousas sen importancia das que tiñamos que estar agradecidas.
Agardo que teña sorte e pronto estea traballando de novo. E os que voltamos mañá vaiamos cun gran sorriso.

domingo, 30 de agosto de 2009

Rede de Parques Nacionais

O Ministerio de Medio Ambiente e Medio Rural e Mariño mantén unha páxina dedicadas aos 14 Parques Nacionais na que temos información sobre as características da rede de parques, historia, lexislación, áreas de influencia socioeconómica...

Co menú visitas podemos acceder a unhas fichas con información detallada de cada un dos parques: localización, mapa, impresos para solicitar autorizacións, información sobre instalacións e servizos, normas, municipios, patrimonio histórico e cultural, etc.
O apartado visita virtual permite ver imaxes da flora e fauna e coñecer as rutas máis destacadas.

Na páxina hai unha sección de descarga de cartografía na que podemos obter arquivos no formato shp para usar con calquera programa de manexo de información xeográfica, por exemplo o gvSIG. As capas que podemos obter son a zonificación, núcleos de poboación, carreteras, masas de auga, itinerarios de uso público e áreas recreativas.

A páxina complétase con catro xogos para o alumnado máis pequeno: o xogo dos contedores, ¿onde están os Parques?, ¿de que Parque é esta paisaxe? e ¿quen come a quen?

martes, 25 de agosto de 2009

Fotos de viaxes de José Manuel Oliván Bauluz

Conversando cun compañeiro sobre lugares para visitar indicoume unha páxina con imaxes de mosteiros en Rumanía. Investigando sobre o fotógrafo atopei a páxina de José Manuel Oliván con fotografías das súas viaxes, que non son poucas.
Aínda que na páxina principal aparecen varios países, ata agora soamente están activos os enlaces da India, Nepal, México e Rumanía. Podemos pasar moitas horas contemplando estas imaxes e para que vos fagades unha idea direivos que da India hai un total de 2750, de Nepal 580, de México 567 (lástima que lle roubaran parte delas xunto co equipo fotográfico) e de Rumanía 553. Nelas aparecen monumentos, paisaxes, imaxes cotiás, fauna, etc.
Conectando co autor comentoume que vai seguir engadindo fotografías comezando por Italia e Marrocos. Máis adiante tamén colocará as dos outros países despois de escanealas debido a que foron feitas cunha cámara analóxica.
Na seguinte presentación podedes ver algunhas destas fermosas fotografías.
Grazas, José Manuel, pola túa colaboración.

jueves, 13 de agosto de 2009

Timelapses.tv

Un time-lapse é unha secuencia de fotografías tomadas a determinados intervalos de tempo que se xuntan para formar un vídeo acelerado. Un dos seus usos é mostrar algunha actividade que dura moito tempo. Neste artigo de Fotografía Linfox podedes ler consellos para crear un time-lapse.
No canal timelapses.tv de Vimeo podemos ver varios exemplos: o deseño dunha alfombra floral, unha baixada da marea, atardeceres, o tráfico de Madrid, o movemento das nubes... Algún dos vídeos están tomados na zona de Ferrol.

jueves, 6 de agosto de 2009

Libros electrónicos

Dende hai anos vense falando de dispositivos electrónicos para sustituir aos libros sen atopar, de momento, unha alternativa cómoda: os portátiles son moi grandes e pesan moito e nas PDA a lectura na pantalla faise incómoda polo parpadeo.
A invención da tinta electrónica permite a creación de dispositivos que mitigan estes problemas. Xa podemos atopalos en moitos comercios de electrónicas e nalgunhas librerias cuns precios que van dos 300 aos 800 euros. Supoño que estes precios irán baixando a medida que se van implantando e aparecen máis modelos.
A este prezo hai que sumar o dos libros que queiramos ler. Hai sitios nos que podemos descargar libros gratis porque caducaron os dereitos de autor e autora ou porque son de autoras e autores que queren promocionarse, pero se queremos ler as últimas novedades imos ter que esperar a que as editoriais os comercialicen.
A maior vantaxe que eu vexo aos ebooks é que non tería que facer a actividade á que dediquei a metade do mes de xullo: carretar libros para vaciar as estanterías do cuarto de estudo que pintei e limpalos logo para colocalos outra vez no seu sitio. ¡Un bo entretemento para estes molladiños días!
Déixovos cunha reportaxe emitida no programa Informe Semanal.

Don Quixote dixital

lunes, 3 de agosto de 2009

O fin da abundancia

No número de agosto da revista National Geographic podemos ler a reportaxe "Crisis alimentaria: el fin de la abundancia" (na web non está o artigo completo, ainda que o podemos ler en inglés), no que se fai unha análise da situación das reservas alimentarias no planeta e dos problemas que xurden ao ter que alimentar a unha poboación que crece máis rápido que a producción de alimentos.
No artigo estúdase a aplicación da revolución verde dos anos 60 e 70 do século XX e os problemas que orixinou (deterioro do medio ambiente a causa dos plaxicidas, uso excesivo de recursos hídricos, pérdida da biodiversidade, dificultade dos agricultores e agricultoras pobres para acceder aos recursos...), a posibilidade de facer unha segunda revolución con métodos similares e o apoio das semillas modificadas xenéticamente e as alternativas baseadas nos métodos sostibles que aproveitan os recursos locais.
Como é habitual nesta revista, o artigo está apoiado por unhas magníficas fotografías.
Copio o primeiro paragrafo:
"É o máis simple e natural dos actos, como respirar ou camiñar erguidos. Sentámonos á mesa, collemos o garfo e pinchamos un bo bocado, sen prestar atención á procedencia do que temos no plato. A carne ven de Irlanda; as verduras de Marrocos; os pátanos non sempre son de Canarias, senón de Brasil ou de Costa Rica; a manteiga, de Dinamarca, e as mazás, de China. A sociedade moderna librounos da carga de sementar, recoller e mesmo de ornear o pan noso de cada día, obligándonos a cambio a pagar por él. Só prestamos atención cando suben os prezos. E a nosa falta de atención pode ter graves consecuencias. O ano pasado, a galopante subida do prezo dos alimentos foi un sinal de alarma para todo o planeta. Ente 2005 e o verán do 2008, os prezos do trigo e do millo triplicáronse, e o do arroz multiplicouse por cinco, o que causou disturbios en máis de 20 países e sumiu na pobreza a 75 millóns de persoas máis. Pero, a diferencia de outras crisis anteriores causadas por unha escasez a corto plazo, esta subida dos prezos coincide cun ano no que a colleita de cereais foi excepcional en todo o mundo. Esta vez, a alza dos prezos fou un síntoma dun problema máis grave que está tensando a rede mundial de producción de alimentos e que non se resolverá nun futuro próximo. En palabras sinxelas, pode dicirse que durante boa parte da última década o mundo consumiu máis comida da producida. Tras anos de recurrir ás reservas almacenadas, o mundo comprobou no 2007 que éstas caeron e só alcanzaban para sustentar á poboación mundial durante 61 días, a segunda cifra máis baixa rexistrada ata o momento."
Máis información sobre a crisis alimentaria:
Agardo que sexa do voso interese.