Grupos de Flickr

Paseando polas fotos de Flickr deume por mirar nos grupos. Hai moitos que poden ser de utilidade nas clases de ciencias sociais. Aquí poño algúns dos que máis me chamararon a atención.

Patrimonio de Galicia: 580 membros e máis de 10000 imaxes
"Sempre crin que somos produto da Historia, con maiúscula. Talvez non houbo elección ou tal vez si, pero estamos aquí, onde chegamos. Desde antes de Breogán, cada un de nós ama ou amou esta terra a súa maneira e esta terra ten hoxe este Grupo para devolver a Galicia, como o queira facer, o que ela lle prestou antes: parte da súa Historia."



Arquitectura contemporánea en Galicia: 127 membros con 414 fotos
"Este é un grupo para fotos que mostren a arquitectura contemporánea en Galicia."


Caminhadas/caminatas/andainas: 338 membros e case 4000 fotos
"Este grupo abrange fotos de caminhadas ou fotos de lugares mais naturais ou rurais, aprazíveis, e onde se pode fazer uma caminhada. Pretende abranger Portugal e a Galiza (Galicia).
Pretende-se que sirva para documentar caminhadas e também para vermos dicas de lugares e trilhos interessantes para se fazer caminhadas."

XVIII xornadas pedagóxicas do Museo Provincial

XVIII XORNADAS PEDAGÓXICAS DO MUSEO PROVINCIAL DE LUGO
Museos: espazos para ensinar e aprender
Datas: 1, 2 e 3 de xuño de 2010
Lugar: Museo Provincial de Lugo, praza da Soidade, s/n, Lugo
Horas: 12
Organizan: Deputación de Lugo / Museo Provincial de Lugo / Departamentos de Didáctica e Comunicación e Xestión Cultural - Consellería de Educación e Ordenación Universitaria / Centro de Formación e Recursos de Lugo (CFR de Lugo)
Coordinación: Marta Arias López e Antonio Reigosa Carreiras
Participantes:
a.-Profesorado de educación infantil, primaria e secundaria (convocatoria do CFR de Lugo).
b.-Traballadores de museos e persoal de servizos culturais (20 prazas)
Inscricións: Departamento de Didáctica do Museo Provincial de Lugo. Tfno.: 982 242 112 / Fax: 982 240 240 / info@museolugo.org / www.museolugo.org

XUSTIFICACIÓN
O Museo Provincial de Lugo xunto cos outros museos da Rede Museística da Deputación de Lugo e o Centro de Formación e Recursos de Lugo (CFR de Lugo), dependente da Consellería de Educación e Ordenación Universitaria da Xunta de Galicia, organizan estas XVIII Xornadas Pedagóxicas do Museo Provincial de Lugo co obxectivo de contribuír á formación permanente do profesorado que imparte ensinanzas de nivel non universitario e á dos traballadores dos departamentos de educación, didáctica, difusión e comunicación dos museos.
Procuramos a posta en común de ideas, o intercambio de experiencias, a reflexión sobre os procesos educativos, a dinamización pedagóxica, tanto nos centros educativos como nos museos, así como a difusión no ámbito escolar do patrimonio vencellado ao contorno.
Agardamos e desexamos que os distintos relatorios e obradoiros que propoñemos para esta edición baixo o título “Museos: espazos para ensinar e aprender” sexan do interese do profesorado e dos profesionais dos museos, que os coñecementos e propostas destes recoñecidos profesionais revertan en positivo nese proceso que ten como obxectivo final mellorar a atención ao alumnado e aos visitantes dos museos.

OBXECTIVOS
▪ Explorar e analizar as posibilidades didácticas dos recursos dos museos xestionados pola Rede Museística da Deputación de Lugo.
▪ Dar a coñecer ao profesorado estratexias de uso destes recursos.
▪ Fomentar o intercambio de experiencias entre o profesorado e os traballadores de museos.

CONTIDOS
▪ Fomento de actitudes de traballo con recursos dos museos.
▪ Información ao profesorado de cara a un mellor aproveitamento dos recursos didácticos existentes nos museos da Rede Museística da Deputación de Lugo.
▪ Contidos específicos das actividades didácticas que deseñan e programan o Departamento de Didáctica dos museos da Rede Museística da Deputación de Lugo e os doutros museos convidados a participar nestas xornadas.
▪ Propoñer a formación de grupos de traballo.

PROGRAMA

Martes, 1 de xuño de 2010
17:00 h. Entrega de documentación
17:10 h. Inauguración oficial
17:20 h. Presente e futuro do Museo Provincial de Lugo
Relatora: Aurelia Balseiro García, directora do Museo Provincial de Lugo.
18:30 h. Descanso
19:00 h. O teatro dentro do currículo educativo: Proceso creativo (Teoría e práctica)
Relatores: Alba Fernández, Paula Buján e Paloma Lugilde, de Palimoco Teatro.

Mércores, 2 de xuño de 2010
17:00 h. O Museo de Belas Artes da Coruña e a súa proposta educativa
Relator: Manuel Mosquera Cobián, responsable do Departamento de Difusión do Museo de Belas Artes da Coruña
18:00 h. Museos en-redados
Relatora: Encarna Lago González, xerente da Rede Museística da Deputación de Lugo
19:00 h. Descanso
19:30 h. A obra de Castelao. Óptimo instrumento didáctico interdisciplinar
Relatora: María Pilar García Negro, profesora da Universidade da Coruña (UDC) e comisaria da exposición Castelao. A derradeira lección do mestre

Xoves, 3 de xuño de 2010
17:00 h. Aprender nun museo
Relator: Pedro Lavado Paradinas, Xefe do Servizo de Educación e Difusión da Subdirección Xeral da Promoción das Belas Artes, Ministerio de Cultura
18:00 h. Descanso
18:30 h. Taller de maletas de materiais didácticos do Museo Provincial de Lugo
Relator: Pedro Lavado Paradinas, Xefe do Servizo de Educación e Difusión da Subdirección Xeral da Promoción das Belas Artes, Ministerio de Cultura
20:00 h. Presentación dos programas de actividades escolares dos museos da Rede Museística para o curso 2010-2011
Relatores: Persoal dos Departamentos de Didáctica do Museo Provincial de Lugo, Museo Etnográfico de San Paio de Narla, Museo Provincial do Mar e Pazo de Tor
20:30 h. Conclusións sobre as xornadas
Formación de grupos de traballo
21:00 h. Clausura

Atlas virtuais

Nesta presentación Jordi Vivancos explica como foi evolucionando a representación da terra desde o mapa de Anaximandro do século VI a.C. ata os nosos días con ferramentas como Google Earth.
Vivancos propón varias actividades que podemos crear usando mapas e atlas virtuais: earthquest, geoquest, xogos xeográficos interactivos e wikiatlas. O futuro parece moi prometedor: actividades con realidade virtual, xeografía fantástica, realidade aumentada...

Atles Virtuals

View more presentations from jvivancos.

A poboación no medio rural

Esta noticia vina no telediario da 1 de Televisión Española o pasado luns. Falaba da distribución da poboación por sexos: mentres o número de mulleres é maior co de homes, no medio rural a proporción é a inversa, chegando a 10 homes por cada 6 mulleres.
A reportaxe está rodada en Friol. Nela analízanse as causas que levaron ás mulleres a despraxarse ás cidades.



Máis información:

• Demografía e poboación: análise da Xunta de Galicia comparando a poboación de Galicia coa española e a distribución da maioría da poboación galega no eixo Vigo - Ferrol
• O éxodo ás cidades deixa sen mulleres aos pobos do rural: artigo no xornal "El Correo Galego" en outubro do 2009.
• Poboación e sociedade rural: publicación da serie Agrinfo do Ministerio de Medio Ambiente e Medio Rural e Mariño de febreiro do 2009.
  

¿Que reto queres facer realidade no 2030?

A Agencia Ciudadana de Ciencia e Innovación é unha iniciativa da Fundación Española para a Ciencia e a Tecnoloxía (FECYT) e o Ministerio de Ciencia e Innovación co obxectivo de sensibilizar aos cidadáns sobre o valor da ciencia e a innovación. Estes días están recollendo a opinión dos cidadáns sobre os retos científicos que poden modificar a nosa vida no ano 2030.
Podemos votar por un dos 14 retos propostos por personalidades do mundo da ciencia e a innovación como Anna Cabré, Margarita Salas, Paulina Beato ou Jane Goodall. A votación está aberta ata 26 de maio e os resultados serán presentados aos ministros de Ciencia e Innovación durante o Consello de Competitividade da UE.
Entre os proxectos presentados están as tecnoloxías para axudar ás persoas maiores, tratamentos médicos personalizados grazas á xenética, cidades máis cómodas, accesibles e ecolóxicas, aproveitar as TIC e internet en beneficio da educación ou unha agricultura menos agresiva co medio ambiente.
Na páxina da axencia podemos ver vídeos onde se explican os retos e materiais para descargar.

Para promover a iniciativa entre os mozos e mozas hai un acceso para escolas onde podemos inscribir a nosa clase. Esta actividade está dirixida ao alumnado de secundaria, bacharelato e formación profesional e pretende a proposta de novos retos e a súa evaluación atendendo ao seu impacto sobre a poboación, factibilidade, coste e importancia social.
Os grupos escolares entrarán no sorteo dunha viaxe de 3 días para unha clase de estudantes de ata 35 persoas a un lugar de España no que se visitará unha grande instalación relacionada coa Ciencia e a Innovación.
Para realizar esta actividade é necesario descargar os materiais:

• Guía Didáctica
• Vídeo Didáctico (ver online)
  
• Video Retos (ver online: Parte 1 Parte 2)
  

Entre as persoas que participen na votación e cubran o formulario de datos sortearase unha viaxe de 5 días para 2 persoas a un lugar de Europa no que se visitará unha grande instalación relacionada coa Ciencia e a Innovación.

Orixes: cinco fitos na evolución humana

Hoxe estiven vendo a exposición Orixes onde se explica a evolución do ser humano ao longo de catro millóns de anos baseándose en cinco fitos que determinaron o noso aspeto actual:

• O bipedismo, que permitiu ter as máns libres e explorar novas fontes de alimentos.
• A fabricación de ferramentas que permitiu a caza, co que mellorou a alimentación. Na exposición vese como foron perfeccionando estas ferramentas ao longo do tempo.
• O control do lume que lle permitiu mellorar a dieta e habitar en novos territorios ao proporcionarlle calor, luz e seguridade.
• A autoconciencia, cun estudio das prácticas funerarias.
• A linguaxe simbólica coas primeiras manifestacións artísticas.

Cos datos que saquei desta visita estou elaborando esta liña do tempo:

Build your own custom video playlist at embedr.com

Copias de seguranza

A partir da supresión do servizo gratuito de Ning e da pregunta de Pedro Cuesta sobre qué servizo nos afectaría máis se desaparecera, empecei a pensar nas opcións de copia que teñen as ferramentas que uso habitualmente. O de Ning non me afecta moito: son coadministradora dunha comunidade que montamos ao remate do curso Sociais 2.0 , pero que non ten moito movemento así que non se perde moito. Para sustituilo estou probando Socialgo e xa verei se vale a pena trasladar algo. De momento tranquilidade.
Pero hai outros servizos dos cales a súa desaparición podería ser unha catástrofe: Mister-Wong, Blogger, Netvibes, Google Docs, a Moodle do CFR...

• Sobre os meus favoritos en Mister-Wong xa pensara hai tempo na posibilidade de perder os enlaces. Periodicamente vou facendo copias de seguridade na pestana favoritos, ferramentas - exportar marcadores. Garda un arquivo no formato html que logo podo engadir aos marcadores do Firefox ou importar en Delicious, onde teño unha copia dos favoritos.
• O blog tamén o vou gardando, aínda que ás veces penso que se desaparecera libraríame de moito traballo. Faise en configuración - exportar e descargo un arquivo en formato xml co que aínda non intentei facer nada. Un día que teña tempo vou probar subilo noutro servizo para ver como queda.
• Para o Netvibes non atopei cómo facer a copia. Como servizo alternativo teño pensado Pageflakes, pero espero que non sexa necesario.
• Dos documentos que teño no Google Docs vou descargando unha copia cando os vou facendo. Tamén hai a posibilidade de descargar varios nun arquivo comprimido seleccionándoos e pulsando en máis accións - exportar.
• Na páxina Data Liberation, mantida por varios inxenieros de Google, infórmannos da forma de facer copias dos datos de calquera das ferramentas Google: Maps, Sites, Picasa... Non probei case ningunha pero gardo o enderezo para cando sexa necesario.
  

Auga. Un mundo sedento.

A revista Natural Geographic España publicou este mes unha edición especial dedicada á auga e o drama humano que provoca a súa escaseza. Calcúlase que no ano 2025 mil oitocentos millóns de persoas vivirán en lugares con falta de auga. Neste número podemos ver os artigos:

• A auga, fonte de vida: onde se fai unha descrición de distintos lugares destacando a influencia da auga na formación da paisaxe. Insiste na importancia de que os que vivimos en lugares sen problemas de sequía temos que darnos conta da importancia da de facer un bo uso da auga.
• O gran desxeo: estudo dos problemas económicos e sociais que provoca a perda de xeo nos glaciares do Tibet.
• Augas sagradas: reportaxe fotográfico sobre o uso da auga nos ritos de todas as relixións.
• O peso da sede: sobre a vida en Etiopía e Kenia, facendo fincapé na dureza das tarefas relacionadas coa busca da auga e cómo recaen fundamentalmente nas mulleres: "Se os millóns de mulleres que teñen que percorrer grandes distancias para ir por auga tivesen unha billa na porta das súas casas, sociedades enteiras transformaríanse."
• Correntes silenciosas: a fauna de auga doce desaparece máis rápidamente ca de terra ou mar debido á actividade humana: industria e agricultura concentrada ao longo dos ríos, verquidos...
• A última gota: esperanzador artigo describindo as medidas adoptadas en varias comunidades para reducir o consumo da auga.

Nota: as fotografías deste artigo son propiedade de National Geographic e amósoas como exemplo das que poden atoparse na revista.

Máis información sobre a auga:

• agua-dulce.org
• Mapa do consumo mundial de auga por nacións
• Sequía nun mundo de auga
• A auga no século XXI
  

Primavera de Europa 2010

A octava convocatoria da campaña Primavera de Europa desenvólvese dende o 22 de marzo ata o 30 de xuño de 2010. Ten como obxectivo fomentar a educación cidadá acercando Europa aos xóvenes e vai dirixida aos centros de primaria, secundaria e bacharelato de toda Europa. Ao inscribirse o profesorado e o alumnado participa en toda unha serie de actividades, concursos e debates online en directo. Cada ano, Primavera de Europa céntrase nun tema. A campaña deste ano está dedicada á “A cidadanía europea e os dereitos fundamentais”. A iniciativa de Primavera de Europa fixa a atención do alumnado nos temas chave da economía, a sociedade e a política.
Este ano tamén é o Ano europeo de loita contra a pobreza e a exclusión social e Primavera de Europa comparte as súas mesmos obxectivos principais, promovendo os encontros, a participación e o debate que axuden a dar forma á Europa do futuro. Ademais, as actividades e concursos de Primavera de Europa abordarán temas como a biodiversidade e o cambio climático.
Se te apuntas a Primavera de Europa poderás:
• Fomentar unha cidadanía europea activa
• Concienciar sobre cómo afectan ás nosas vidas as decisións europeas
• Animar ao alumnado a expresar as súas ideas sobre os temas de actualidade
• Acceder a un amplio abanico de material pedagóxico e asistencial
• Buscar e invitar a visitantes especiais para que acudan ao voso centro escolar
• Practicar e mellorar todo o referente ás TIC e aos idiomas en clase • Recibir un certificado de participación firmado por un alto responsable político da UE
• Compartir experiencias e puntos de vista con outros centros escolares de toda Europa
(Información e logo da web Primavera de Europa 2010)

Arte a través do tempo

Art Through Time é unha páxina en inglés na que examinan como son tratados trece temas en obras de arte de diferentes culturas e épocas. Cada tema consta dun vídeo introductorio, análise de varias obras, comparación dalgunhas parellas e unha guía de uso nas aulas. Os textos e as guías poden descargarse en formato PDF.
Os temas tratados son:

1. Converxencia de culturas: análise da influencia nas obras de arte dos contactos entre culturas.
2. Soños e visións: tratamento das percepcións e fantasías persoais.
3. Historia e memoria
   
4. Ceremonias e sociedade
5. Cosmoloxía e conviccións: esforzos das persoas en entender a súa razón de ser e o seu lugar no universo.
6. A morte
7. A vida doméstica
8. A escritura: relacións entre arte e texto.
   
9. Retratos
10. A natureza
11. A vida nas cidades
12. Conflitos e resistencia
13. O corpo humán

Os temas están preparados por Annenberg Media, empresa dedicada á preparación de recursos didácticos en Estados Unidos.

As reproducións ao óleo máis vendidas

Lin no xornal hoyesarte.com o artigo As 10 pinturara ao óleo máis desexadas da década. O título é enganoso porque trata das reproducións máis vendidas na web de venda overstockArt.com durante os últimos dez anos. A maioría son de pintores de finais do século XIX e principios do XX: Van Gogh, Monet, Picasso... Gustaríame ter calquera destas obras para a parede da nova sala onde a miña amiga Elena quere que poña unha tele.

Reproducións ao óleo máis vendidas

View more presentations from oblogdesociais.

Astro Soichi

O astronauta xaponés Soichi Noguchi está na Estación Espacial Internacional dende decembro do 2009. Podemos ver as súas fotos de distintos lugares da Terra sobre os que pasa a estación. Estas fotografías fan que sexa o astronauta máis coñecido en internet e a súa páxina en Twitter ten máis de 160000 seguidores aínda que non foi o primeiro en usar este recurso (adiantóuselle Kim Kopra). Hai dúas semanas publicou unha foto de Vigo que non identificou, poñendo como título "Name this city in Europe!", o que abriu un debate na páxina no que apareceron nomes como Estambul ou Patrás. Nalgún comentario identifícanse sitios como a Ponte de Rande ou a fábrica de Citroen. En Facebook hai un grupo no que se pide ao alcalde de Vigo que o nome fillo adoptivo.
Ademáis das imaxes de lugares podemos ver fotos espectaculares da lúa e fenómenos astronómicos como as auroras boreais.

Tamén ten un canal en YouTube con vídeos tomados dende o espacio, pero ata agora non hai moitos. O regreso de Soichi á Terra está previsto para decembro deste ano. Ata entón poderemos seguir disfrutando coas súas fotografías.

Name this city in Europe!

moon tonight. Sleep well!

Citylights, stars, and aurora.

Cursos en liña: IGN-CNIG

O Instituto Xeográfico Nacional e o Centro Nacional de Información Xeográfica xunto coa colaboración da Universidade Politécnica de Madrid convocan novos cursos gratuitos en liña.

1. Cartografía temática 6ª edición (40 horas)
2. Infraestructuras de Datos Espaciais 6ª edición (40 horas)
3. Sistemas de Información Xeográfica 5ª edición (40 Horas)

O prazo de inscrición comeza o día 29 de marzo ás 12:00 h e remata o día 6 de abril ás 24:00 h.
Podedes atopar máis información no enlace "Cursos e-Learning": www. ign.es na dirección www.cniq.es ou directamente en: http://ign.go-learning.net/
Para solicitar os cursos hai que rexistrarse primeiro. Na páxina de entrada á plataforma hai un video coas instruccións.
Dentro do apartado "Descripción" pinchando no enlace "Más detalles" ofrécese máis información detallada dos cursos.

(Información e imaxes sacadas da web do IGN e do CNIG)

Up2Maps

Acabo de descubrir este servizo de creación de mapas temáticos a partir de datos estatísticos. Poden consultarse mapas do mundo ou dunha rexión determinada segundo varias categorías: demografía, educación, economía, linguaxe, relixión, ciencia e tecnoloxía...
A páxina ten un buscador que busca nas etiquetas que colocaron os creadores dos mapas. Ademais fai listados dos últimos engadidos, os máis vistos e os máis votados.
Para probar como funciona rexistreime e creei un mapa representando ao alumnado por ordenador en centros públicos de educación primaria no ano 2007 segundo datos que saquei do Instituto Nacional de Estatística. É moi sinxelo: créase unha folla de cálculo cos nomes das provincias ou comunidades autónomas e os datos correspondentes a cada unha, na páxina selecciónase o país no que traballamos e pulsamos no seu nome (enriba do mapa). Un asistente vainos indicando o que temos que facer en cada paso: elixir se imos escribir os datos ou subir a folla de cálculo, indicar en qué columna da folla están os nomes, en cal os datos e corrixir datos se hai algún problema cos nomes dos sitios.
Cando o mapa xa está creado podemos cambiar parámetros como o número de intervalos de datos e elixir se no mapa van aparecer os nomes das comunidades, etc.
¡Vou seguir practicando!

Miguel Delibes

"Al palpar la cercanía de la muerte, vuelves los ojos a tu interior y no encuentras más que banalidad, porque los vivos, comparados con los muertos, resultamos insoportablemente banales."

Build your own custom video playlist at embedr.com

Euroscola 2010

Ata o 15 de marzo está aberto o prazo de inscrición para o concurso Euroscola 2010. Está convocado pola oficina do Parlamento Europeo en España en colaboración coa Representación da Comisión Europea en España.Está destinado a alumnado entre 15 e 18 anos e pódese participar formando un grupo de 10 e un profesor ou profesora. Ademais doutros premios os gañadores participarán nunha Xornada Euroescola do Parlamento Europeo en Estrasburgo.
Declarado o 2010 o ano contra a pobreza e a exclusión social a competición versará sobre esta temática a fin de concienciar ao alumnado deste problema e fomentar o voluntariado.
A inscrición e as bases do concurso podédelas atopar na páxina web.
(Información e imaxes da páxina web Euroscola 2010)

8 de marzo, día da muller traballadora

Para celebrar este día déixovos o enlace ao álbum de mulleres de cultura galega.org e o video da canción Ela de Bebe.



"Hoy vas a ser la mujé
que te dé la gana de ser
Hoy te vas a querer
como nadie ta sabio queré
Hoy vas a mirar pa’lante
que pa atrás ya te doy yo bastante
una mujé valiente, una mujé sonriente
mira como pasa".

Google Earth

Nas últimas sesións do curso Sociasi 2.0 Deseñar tarefas para desenvolver competencias na rede, Francisco Martín Castillo Rodríguez abordou no seu relatorio a temática cartográfica impresionándonos cunha abundante e interesante información sobre as súas posibilidades educativas.
Google Earth, segundo a Wikipedia, é un programa informático creado pola empresa Keyhole Inc., que permite visualizar imaxes en 3D do planeta, dende galaxias do espacio ata os cañóns do océano, combinando imaxes de satélite, mapas e o motor de busca de Google. Podemos voar a calquer lugar da terra explorando un rico contido xeográfico, gardar os lugares visitados e compartirlos con outras persoas.

Funcións de Google Earth 5:

• Imaxes históricas de todo o mundo
  
• Datos dos fondos mariños e a superficie oceánica proporcionados por expertos
  
• Viaxes simplificados con posibilidade de engadir audio e grabacións de voz

A páxina oficial contén un titorial onde se describen as novas posibilidades:

(Información sacada da web de Google Earth)

Visionando os seguintes vídeos que atopei en internet podemos repasar a utilización de Google Earth e Google Street View.

Cómo utilizar Google Earth


Cómo utilizar Google Street View


Enlaces:
Portal en español de aficionados a Google Earth
Sitio Oficial de Google Earth
Google Earth Blog (español)
Web Google Earth
Coordenadas de lugares famosos, cousas raras, edificios, etc.
Catálogo monumental de España: http://www.mcu.es/archivos/MC/AGA/CME/CME.html
Comunidad educativa en torno a recursos educativos basados en Google Earth e relacionados con literatura, arte, historia, ciencias... (inglés)
A volta ao mundo en 80 minutos
Blog de Noel Jenkis
Canais de video
Eduteka:
- Google Earth en clase de xeografía: http://www.eduteka.org/GoogleEarth.php
- Proposta de actividades con Google Earth para clases de xeografía: http://www.eduteka.org/GoogleEarth2.php