O Netvibes de Sociais

Levo uns días traballando co Netvibes. Este servizo está pensado para facer páxinas de inicio con datos persoais como o correo, notas, enlaces a páxinas de interese, etc., pero vin como o usa José Luis Gamboa nas súas clases de Lingua Española e decidín facer algo parecido para a páxina de Sociais.

De momento vou despaciño. Non é un traballo difícil, pero é tedioso: repetir sempre os mesmos pasos. Cada día vou engadindo dous ou tres contidos e decidindo onde colocalos.

Onde noto que aforro tempo é na consulta dos blogs que leo habitualmente. Co Netvibes vexo as últimas modificacións e vou directamente aos artigos que me interesan, polo que facilito a tarefa de pensar contidos para escribir neste blog.

Fixen unha axuda que pego máis abaixo. Pode completarse co titorial para novatos de Mr. Wally's Column.

.

View SlideShare presentation or Upload your own. (tags: netvibes web2.0)