Compartindo boas prácticas. Encontros de intercambio de experiencias educativas

Coa finalidade de dar visibilidade ao traballo desenvolvido nos centros a partires de distintas actividades formativas dentro dos plans de formación permanente do profesorado xurdiron estes primeiros encontros que se desenvolveron ao longo da tarde do 28 de setembro e o sábado 29 mañá e tarde. Experiencias e conferencias foron moi interesantes. 

Na comida de grupo poidemos observar cómo se desenvolveu dentro dun ambiente de camaradería e bo humor. 

E coa intención de que en vindeiras edicións poidamos dar cabida a todos os centros da provincia de Lugo, só queda dar as grazas a todos os participantes.

Curso Aprender a pensar a través do diálogo

Desde o día 13 de marzo ata o día 18 de abril estase a celebrar, dentro das actividades programadas dentro do Plan de formación, no CFR de Lugo a actividade "Aprender a pensar a través do diálogo".

Dita actividade contribuirá a desenvolver as seguintes competencias e subcompetencias profesionais docentes:

• Comunicador/a en linguas maternas e estranxeiras - Destrezas comunicativas verbais e non verbal: técnicas e estratexias para o desenvolvemento e mantemento.
• Educador/a guía no proceso ensino-aprendizaxe - Orientación pedagóxica e atención á diversidade.

Os obxectivos a conseguir:

1. Integrar ferramentas e metodoloxías comunicativas que fomentan estratexias para desenvolver as habilidades de pensamento en ambientes culturais variados.
2. Xerar oportunidades para favorecer nas aulas a aprendizaxe dialóxica, fomentando a creatividade, a tolerancia e o espírito crítico.
3. Valorar a dimensión emocional dos procesos de aprendizaxe e ensino.

Contidos

1. Xogar a pensar. Percibir, sentir e pensar para aprender.
2. As habilidades de pensamento. Estratexias para o seu desenvolvemento.
3. O diálogo como ferramenta de aprendizaxe. Aprendizaxe dialóxica.
4. Saber, saber facer, saber ser. As competencias clave.
5. A dimensión emocional da aprendizaxe.

A duración é de 20 h e contaremos con profesionais expertos:

• María Carmen Loureiro López
• María Angélica Lucas Sátiro
• Francisco Javier Rouco Ferreiro
• Mª Teresa Iglesias Polo